Luke.3.23-Luke.3.28
Gen.22.18; 2Sam.7.12-2Sam.7.13
Gen.21.3; Gen.25.6; Gen.29.35
Gen.38.1-Gen.38.30; Num.26.21; 1Chr.2.9
Ruth.4.18-Ruth.4.22
Josh.2.1; Josh.6.24
1Sam.17.12; Isa.11.1; 2Sam.11.3; 2Sam.12.24
1Chr.3.10-1Chr.3.14
2Chr.26.1
1Chr.3.16; 2Chr.36.1; 2Kgs.24.14-2Kgs.24.15
1Chr.3.17-1Chr.3.19; Ezra.3.2; Hag.1.1
Luke.1.27
Luke.2.1-Luke.2.7
Luke.1.27; Luke.1.35
Deut.22.23-Deut.22.24; Deut.24.1
Isa.49.1; Luke.1.31; Acts.4.12; Acts.13.38
Isa.7.14; Matt.2.14; Matt.4.14; Matt.21.4; Matt.26.56; Mark.14.49; John.19.36; Isa.8.8; Isa.8.10

ИНЖИЛ

МАТФЕЙЛА ГӏЯХӏ ХАБАР

Библия шурбалтуси Институт

Москва, 2013

ИНЖИЛ

Матфейла Гӏяхӏ хабар

Шурбатурти:

Х.А. Юсупов, М.Е. Алексеев

Хӏушала пикри-кьиматла белкӏани иш

адресличи дархьая:

ibt_inform@ibt.org.ru

ISBN 978-5-93943-188-0
© Институт перевода Библии, Москва, 2013

ГЬАЛАГЪАЙ

Хӏурматла учӏан!

Хӏела гьалабси – Матфейла Инжил саби, сабира Сагаси Вягӏзала ца жузли сабси. Сагаси Вягӏзали Эски Вягӏзаличил бархли Библия бетарахъуси саби – ил Жузала жуз. Библия биалли даршдусмала бухӏнаб дунъяличиб бегӏлара бучӏуси жузли бирусири ва илгъунали кавлулира саби.
«Инжил» ибси грек мезли «Гӏяхӏ хабар» ибси саби. Илгъуна у бедибсири Гӏиса Масихӏли Сунела белчӏудилис. Сагаси Вягӏзализир авал Инжил лер, сарира авал декӏар-декӏарти адамтани (Маркли, Лукани, Матфейли, Югьанни) делкӏунти. Илди лерилра Гӏиса Масихӏла гӏямруличила, Илала балга-дугӏяличила, Илала белчӏуди-динничила, Илини чедаахъибти гӏяламатуначила, Ил вебкӏниличила ва мицӏириъниличила гъайдикӏули сари.
Инжиллизир чедаахъибти анцӏбукьуни кадиркули сари Палестинализир нушала манзилла ӏ даршдуслизир. Итхӏели Палестина Римла императортала арилиуб сабри. Амма Палестинализиб хӏербирути жугьутӏунани чула диннис мардеш калахъулри. Ил динна хьулчи – «Таврат» – илдас Муса идбагличибад Аллагьли бедибсири.
Муса идбаглис гӏергъити бахъал идбагунани гьалахили бурусири Сунени адамтас бунагьла ва бебкӏала арилизибад берцуди лебхуси Масихӏ – Аллагьли чевикӏибил – лявкьян или. Ва, хӏера, нушала манзилла бехӏбихьудлизив Палестинала Вифлеем бикӏуси биштӏаси шагьарлизив Сунечи бахъхӏи хӏерси Гӏиса Масихӏ акӏуб. Ил вакӏибсири Ванзаличиб хӏербирути лебилра адамти берцахъес. Илбагьандан уцахъниличила Гӏяхӏ хабар, сабира, Аллагьла Уршиличибли, гӏяламлис бедибси, ил цазаманализиб гьарил адамлисра Гӏяхӏ хабар саби, сай чинав хӏерирули ва чидил мезли гъайикӏули виалра.
Инжил грек мезли белкӏунси саби, амма христиан дин бузуси 20 даршдусла бухӏнаб ил дунъяла даршани мезаначи шурбатурсири. Гьанна Матфейла Инжил (Гӏяхӏ хабар) бегӏгьалаб дарган мезли дурабулхъули саби.
Дарган мезличил Маркла Инжил (2002, 2008) ва Лукала Инжил (2010) дурадухъун. Илди шурдатес ва гьунчидикахъес багьандан гӏяхӏцад хӏянчи бариб Ш. Хӏясановли, И. Хӏясановли, М.-Ш. Гӏисаевли.
Матфейла Инжил дарган мезличи Х. Юсуповли шурбатурси саби. Жузла текст редактироватбариб Р. Булатовани. Динна гӏилмула шайчиб ил балкьаахъур филологияла гӏилмуртала доктор, профессор М.Е. Алексеевли.
Библия шурбалтуси Институтли Матфейла Инжил шурбатурти тилмажунас, редактортас ва ил балкьаахъесра, дурабухъахъесра икьалабиубти лебтасалра баркалла балахъули саби. Нуша разилира Библияла ца гьатӏи табтар нешла мезли белчӏес хӏушаб имкан бакӏниличи.
Библия шурбалтуси Институт


МАТФЕЙЛИЧИБАДСИ ИНЖИЛ (Гӏяхӏ хабар)



дарган мез
http://ibt.org.ru/bible
Инжил: Матфейла ГӏяхI хабар; Лукала гӏяхӏ хабар Инжил: Матфейла Гӏяхӏ хабар; Лукала гӏяхӏ хабар


Copyrighted: Институт перевода Библии, Москва, 2010, 2013

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
prev / next

Гӏиса Масихӏла акӏуди

1 Даудла Урши сайси, Ибрагьимла Урши Гӏиса Масихӏла акӏуди.
2 Ибрагьимличивад Гӏисакь акӏуб, Гӏисакьличивад Якьуб акӏуб, Якьубличивад биалли Ягьуда ва илала узби акӏуб.3 Ягьудачибад Фаресра, Фамарилизирадси Зарара акӏуб, Фаресличивад биалли Есром акӏуб, Есромличивад Арам акӏуб.4 Арамличивад – Аминадав, Аминадавличивад – Наассон, Наасcонничивад – Салман.5 Салманничивад – Рахавилизивадси Ваэз, Ваэзличивад – Руфилизивадси Явид, Явидличивад – Яссей.6 Яссейличивад биалли, Дауд пача акӏуб, Даудличивад ва гьалар Урияла хьунул рирурсилизивад Сулайбан акӏуб.7 Сулайбайчивад Раваам акӏуб, Раваамличивад – Авия, Авиядличивад Асап акӏуб.8 Асапличивад – Ясапат, Ясапатличивад – Ярам, Ярамличивад Гӏузия акӏуб.9 Гӏузияличивад – Яапам, Яапамличивад – Ахаз, Ахазличивад Язекия акӏуб.10 Язекияличивад – Манассия, Манассияличивад – Амос, Амосличивад Ясия акӏуб.11 Вавилоннизи жугьутӏуни гужли гечбарес гьалаб Ясияличибад Ягьун ва илала узби акӏуб.
12 Вавилоннизи гечбиубхӏели биалли, Ягьунничивад Салафаил акӏуб. Салафаилличивад Зарабабел акӏуб.
13 Зарабабелличивад Авиут акӏуб, Авиутличивад – Ялихӏяким, Ялихӏякимличивад Гӏязур акӏуб.14 Гӏязурличивад Садокь акӏуб, Садокьличивад – Гӏяхӏим, Гӏяхӏимличивад Ялиут акӏуб.15 Ялиутличивад Ялазар акӏуб, Ялазарличивад – Матпан, Матпанличивад Якьуб акӏуб.16 Якьубличивад, сунес Масихӏ бикӏуси, Гӏиса варкьибси Марияла мурул Юсуп акӏуб.
17 Илкьяйда, Ибрагьимличирад Даудличи бикайчи лерилра наслуби вецӏнуавра сари: Даудличирад Вавилоннизи гечбиайчира вецӏнуавра наслу сари, Вавилоннизи гечбиубхӏейчирад Масихӏличи бикайчира вецӏнуавра наслу сари.

Гӏиса Масихӏ дунъяличи вакӏни

18 Гӏиса Масихӏ акӏуб ишкьяйда: илала неш Мария Юсуплис ураркьибси замана, хъайчикариэс гьаларал, Дурхъати Рухӏлизирад дурхӏялисраили уррухъун.
19 Илала мурул Юсупли биалли, сай гӏябид виъни багьандан, Иличила багьахъес хӏейрули, дигӏянали ил раткаэс кьасбариб.20 Ил барес пикрибарибхӏели, Аричила малаик муэрлизив иличи вакӏили, иб: «Даудла урши Юсуп! Мария хьунулрарес урухмакӏуд, илизиб акӏубси Дурхъати Рухӏлизибадси сабину.21 Илини Урши виркьу ва Илис хӏуни Гӏиса ибси у бирхьид. Илиникӏун Сунела халкь чула бунагьуназибад уцахъу.22 Ил секӏал бетаурси саби Аричини бурибси бетерхахъес багьандан. Аричини сунела идбагла гъайличибли бурибсири:23 „Иш Рурси дурхӏялисриур ва Урши виркьу, сунесра Еммануил – Аллагь нушачил сай – ибси ура бедлуга“».24 Гьанкӏлизивад чеваргъибси Юсупли Аричила малаикли бурибсиван бариб: ил рурси сунела хьунулли кьабулрариб.25 Урши варкьили, илис Гӏиса ибси у бихьайчи, Мариячил варххӏеркули калун.
prev / next