Грек’ вада, хамэдита «юритевы». Еврей’ вадавна «Мессия». Параӈодаӈэ хэвндя.
Ӈа’ нюм’, ӈылекы” ерв.
Суббота, еврей” тэнз’ си”ив яля’ толырка”на сибимдей яля.
NEN:Matt.3.1-Matt.3.12; NEN:Luke.3.1-Luke.3.9; NEN:John.1.19-John.1.28
NEN:Ps.2.7
NEN:Exod.23.20; NEN:Mal.3.1; NEN:Matt.11.10; NEN:Luke.7.27
NEN:Isa.40.3
NEN:Luke.1.80; NEN:John.1.6
NEN:Acts.19.18
NEN:2Kgs.1.8; NEN:Lev.11.22; NEN:1Sam.14.26
NEN:Matt.3.13; NEN:Luke.3.21-Luke.3.22; NEN:Luke.4.1-Luke.4.13
NEN:Joel.2.28
NEN:Matt.2.23; NEN:Luke.2.39
NEN:Acts.7.56; NEN:Isa.11.2; NEN:John.1.32-John.1.33
NEN:Mark.9.7; NEN:John.12.28; NEN:Isa.42.1; NEN:Mark.9.7; NEN:2Pet.1.17
NEN:Matt.4.18-Matt.4.22; NEN:Luke.5.1-Luke.5.11
NEN:1Chr.21.1; NEN:1Thess.3.5; NEN:Luke.22.43
NEN:Josh.21.39; NEN:1Kgs.9.11; NEN:Isa.9.1
NEN:Gal.4.4; NEN:Matt.3.2
NEN:Num.34.11; NEN:Matt.14.34; NEN:Mark.6.53; NEN:John.1.40-John.1.42
NEN:Matt.13.47
NEN:Mark.10.28
NEN:Luke.4.31-Luke.4.41
NEN:Matt.4.13
NEN:Matt.7.28-Matt.7.29
NEN:Mark.5.7; NEN:Acts.19.15; NEN:John.6.69
NEN:Mark.9.20; NEN:Acts.8.7
NEN:Acts.17.19
NEN:1Cor.9.5
NEN:Mark.5.41; NEN:Mark.9.27; NEN:Acts.3.7; NEN:Acts.9.41
NEN:Luke.4.42-Luke.4.44
NEN:Matt.12.16; NEN:Mark.3.12
NEN:Matt.14.23; NEN:Luke.5.16
NEN:Isa.61.1
NEN:Matt.8.1-Matt.8.4; NEN:Luke.5.12-Luke.5.16
NEN:Lev.13.3; NEN:Num.12.10; NEN:2Kgs.5.1; NEN:2Chr.26.20; NEN:Mark.9.22
NEN:Luke.17.14
NEN:Matt.9.30
NEN:Lev.14.1-Lev.14.32; NEN:Luke.17.14
NEN:Mark.7.36

Марк’ падвы Маймбабцо Юн



ненэцяʼ вада
http://ibt.org.ru/bible
Марк’ падвы Маймбабцо Юн.; Лука’ падвы Маймбабцо Юн.; Иоанн’ падвы Маймбабцо Юн.


Creative Commons: by-nd: © Institute for Bible Translation; This work is licensed under the Creative Commons Attribution-NoDerivatives 4.0 International License. To view a copy of this license, visit http://creativecommons.org/licenses/by-nd/4.0/.

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
prev / next

Хэхэдаӈгода Иоанн сехэрым’ хамэдамби.

1 Нум’ Ню’ – Иисус Христос’ нямна ӈэда Маймбабцо Юн’ нерденя.
2 Нум’ Вади вадета’ – Исайя’ падаркана тарем’ пады: «Ти, неранд няд сехэрэдамд хамэдавандаӈэ Мань нув’ юне ядэланами ӈэдарадм’».3 «Вэӈго яхана тюрыта’ вабц со: ‹Нум’ Ерв’ сехэрэдамда хамэдада”, недамда ненземдара”›».4 Тарем’ Иоанн вэӈго ян’ ӈадимя. Хэхэдаӈгованда сер’ ненэцие ханзь тарем’ ма: «Хэбяхыда” хаейда”, хэхэдаӈгуда”, тиканда Нум’ хэбяхыда” ха”авраӈгуда».5 Иудея’ я’, Иерусалим’ марад’ тер” малмбой’ нянда миӈа”. Хэбяхыдо’ индо’ ядан’ ваде”ядо’. Иордан’ яхахана Иоанн сиддо’ хэхэдамби.6 Иоанн маха ху”ла юно’ – верблюд’ таркад паӈгалмы паным’ мэ”ӈа, ёнэнда тяхана тобъёва ни сяры, ӈавраданда явна маирти, юрите”э пилю” юре мэ”ӈа.7 Ненэцие ханзь тарем’ лахана: «Пумнани миндя нядни ва”ӈа. Ӈари” маньзяван нянани Пибита те”ме таси’ хо”леркая екахарта ни серос”.8 Мань сидда” икана хэхэдамбидм’. Пыда сидда” Хэбидя Индкана хэхэдамбаӈгу».

Иисусм’ хэхэдамбава

9 Тикы ялэ” ёльцьӈгана Галилея’ яхана ӈэда Назаретхад Иисус то. Иордан’ яхахана Иоанн Сита хэхэда.
10 Икад тарпаванда сер’ тикы’ минда Иисус лакри’ нув’ няра’ няӈгармам’ манэ”ӈа. Голубьм’ нюбета нув’ сармикадарев’ Хэбидя Индад’ Нянда ха”мотавам’ манэ”ӈа.11 Нув’ няд лаханана мамононда: «Пыдар Мань Мэненами Нюми ӈэ” нинав’, Сейханани поин».

Иисусм’ хорпа”ма

12 Таминда тикы’ пуд Хэбидя Инд” Иисусм’ вэӈго ян’ ханада.
13 Иисус’ вэӈго яхана тет ю” яля’ мэва’ сер’ Сатана хэбяха серк” Сита ханзь хорпи. Иисус я’ сармик” поӈгана мэ, тикы ялэ” ямбха”на нув’ юне ядэлана” Сита нядаби”.

Галилеяхана манзара пэ”мада

14 Иоаннм’ сяр”махадандо’ Нум’ Маймбабцо Юнм’ ваде”манзь Иисус Галилеян’ хая.
15 Пыда ма: «Ёльцянда тэвы”. Нум’ Параӈода’ Я нядна” хахаялма. Хэбяхыда” хаейда”, Маймбабцо Юнан’ пунрыда”».

Иисус нерденя тет тохоламбадамда хаӈа

16 Галилея’ то’ хэвувна миманда сер’ Иисус поӈгам’ моёпадаха’ – Симонм’, Андрейм’ манэ”ӈа. Андрей – Симон’ папа ӈэвы. Пыди’ ёртяха’.
17 Иисус нянди’ ма: «Пумнани тоди’, Мань сидди’ ненэцие Нумд’ тэврамбадаӈэ сертаӈгудм’».18 Пыди’ тикаринди’ ӈод” поӈгади’ хае, Пумнанда пяди’.19 Ӈамгэ’ пират’ хэ”мяхаданда, Пыда ӈано’ мюня поӈгади’ сэдорпадаха’: Зеведей’ нюм’ – Иаковм’, Иаков’ папам’ – Иоаннм’ манэ”ӈа.20 Тикаринда ӈод” Нянда хаӈахаюда. Нисямди’ манзаранита ня’ ӈано’ мюня хаеди’, пыди’ Пумнанда хаяха’.

Ня”маравым’ савумда”ма

21 Иисус тохоламбадита ня’ Капернаум’ март’ тэвыд”. Тикыринда ӈо” еврей” ныланава яляхана Пыда ма”люӈгалава мят’ тю, ненэцие тохоламба пя.
22 Ненэця” Тохоламбабцонда мэсыт’ пысаӈгаць. Пыда Моисей’ Ватом’ теневани” то”лаха нись ӈа”, Пыдхавада ӈарка ерв’ ныхым’ мэтадарев’ сиддо’ тохоламбись.23 Та’ мальӈгана ма”люӈгалава мякана ня”маравы ненэць’ мэвы, тарем’ тюры”ӈа:24 «Назарет’ тер Иисус, нянана” ӈамгэ сел таня? Сидна” хадарабтаванзь тосан? Хибя ӈэвамд теневав – Хэбидя Нумд».25 Иисус сита таб”ламба ма: «Мунзялв”! Сёнзянда мюд тарпад”!»26 Тикаринда ӈод” ӈылекада ненэця’ пыхыдм’ ледребтехэя ӈарка тёрм’ мэць ненэця’ сёнзя’ мюд тарпы”.27 Ненэця” мал’ ӈокхандо’ сейто’ хэсь нидо’ хонрамби”: «Тикы ӈамгэ? Тарця ныхым’ мэць едэй тохоламбада сер”? Пыда ӈылекахарт табэдамби! Пыдо’ ӈо” Мунда сер’ ӈа”!»28 Тикаринда ӈод” Нямнанда ӈэда юн Галилея’ я’ тиӈгэвна латы”.

Иисус’ ненэцие савумда”ма

29 Ма”люӈгалава мякад тарп”махадандо’, Иисус тохоламбадида няць Симонаха’, Андрейха’ мят’ то. Иаков, Иоанн ӈобтарем’ нянандо’ тоӈаха’.
30 Симон’ пухуцянда небя ӈая’ ядё’ хабцяӈгана хаӈгурць юседа; хаӈгурмамда минхандо’ Иисусан’ ваде”ӈадо’.31 Хэвханда тэвхая, Иисус ӈудахаданда сита тю”уку’ ила. Таминда ӈо”, хабця’ няданда хэ”мяхаданда, не мядондида манзаяць пя.32 Пэвсюмя’ няна, хаерад’ пакало”махад, хаӈгурти, ня”маравы мал’ Нянда тэволэйдо’.33 Харад’ тер” мал’ нёнда си’ хэван’ ма”лыд”.34 Хуркари хабцяӈга”на хаӈгурта ӈока ненэцям’ Пыда савумдамби, ненэцие” сёнзь” мюд ӈока ӈылекам’ питарӈа. Ӈылека” Сита тенева”. Ӈадьбята Пыда ӈылекаха” ӈамгэхэртм’ нива ваде”ма’ няю’ табеку.

Иисус’ Галилея’ явна ядэро”ма

35 Хув’ мер’ нумда пэвван’ Иисус юркы”, пин’ тарпы”. Вэӈго ян’ хая, таняна туёць пэй”.
36 Симонхав нянанда мэна нита ня’ Иисусм’ пюрманзь хая”.37 Сита хо”махадандо’ Нянда ма”: «Ненэця” мал’ Сит пюрӈа”».38 Пыда няндо’ ма: «Хахаяда ӈарка хардаха” хэхэва”, таняна ӈобтарем’ Мань Нум’ Вади вадетадм’, Мань тикы’ е”эмня тодамзь».39 Ӈадьбята Галилея’ я’ тиӈгэвна ӈэда ма”люӈгалава мяка”на Нум’ Вади ненэцяӈг” ваде”ӈа, хаӈгурта ненэцие” ӈылекы питарпи.

Мерёда ниня тораӈгана ненэцям’ савумда”ма

40 Мерёда ниня тораӈгана ненэць’ Иисусан’ то. Неранда Няд пулыта ни’ мо”нахая хынумда вахалъй”: «Харвабцонд таняб”, Си”ми хабтумда пиртан».
41 Иисус сита сялилӈа, ӈудамда вэӈгалахая нянда ӈодь’ теба ма: «Ханядм’ харва”, тадхав хабтув”».42 Минхандо’ ниня тораӈгана мерюда тора” – ӈоб’ хабтума.43 Тадтикахад, сита ӈэдарамба Иисус я”авла нянда тарем’ табекурӈа:44 «Инзеле”, хибяхартан’ ӈамгэхэртм’ нён вадес”, ӈопой, ханонданан’ хань”, пыхыдар нянда манэ”лабтад. Савумаханд ненэцие” пунрава’ е”эмня Моисей’ вади” сер’ ханм’ тэвра”».45 Савумдавэхэв пин’ тарп”махаданда хэвы серода ханяна-таняна вадець пяйда. Ӈадьбята Иисус хардо” помна ӈадя ядэрць нида пирас”. Хардо” хэвхы вэӈго яха”на мэсеты. Тарем’ ӈо” ханяд-таняд Нянда ненэця” турцеты”.
prev / next