Поронҡо йәбрәйләрнең телентә «Наймина» исемнең мәғнәсе «сөйкөмнө», ә «Мара» – «ацы».
Judg.2.16
Job.19.21
Num.21.29
2Sam.15.21; 1Sam.3.17; 1Sam.25.22; 2Sam.19.13; 1Kgs.2.23
2Sam.21.9

Рут турынта китап

Ҡөрмәтле уғыуцылар!

Сеснең ҡулығыста Поронҡо Уасыйаттан ике китап, «Рут» әм «Эстер». Поронҡо Уасыйат пергә Йаңа Уасыйат пелән Иске Йасмаға керәтеләр. Пөтөн тонйаның кешеләре пы китапны пашҡалартан кәнерәк пеләтеләр тә, уғыйтылар та. Алла ницек тонйа әм кешеләрне парлыҡҡа килтергән, ницек йәбрәй ҡалыҡны сайлап алған әм ницек аңа Үсен ацҡан турынта, Поронҡо Уасыйатта әйтелгән.
«Рут» әм «Эстер» китапларынта ҡатын кешеләр перенце урынта, аның өцөн пы китаплар Иске Йасманың айырым пашҡалартан торатылар.
Рут турынта китапта, ҡацан Исраилтә ҡәкимләр пашта торғаннар (XIV–XI ҡасырларта йаңа эра алтынта), ул уаҡытта пулған ҡәлләр турынта әйтелгән. Моапның йәш ҡатын, үсенең йәбрәй ире үлгән суң, Наймина ҡәйнәсенә искитәрлек ҡөрмәт итәте тә аның пелән йат илгә параты. Анан суң китапта ницек Алла пы Рутның йаҡшы эше өцөн рәғим-шәпҡәт итәте әм ул Исраилнең сур патшасы Таутның төп инәләрнең пере пулыуы турынта әйтеләте.
Эстер турынта китапта, Персийә-Мидийә тәүләте уаҡытларынта (V ҡасырта йаңа эра алтынта) йәш йәбрәй ҡыс Эстер ҡысыҡ ҡәлләртә патшабикә пулыуы турынта әйтелгән. Ул уаҡытларта тәүләтнең йерләре Индийәнең цит пуйларынан алып, Мисырғацаҡ пулған, әм йәбрәйләр персләргә пуйсынҡаннар. Йәбрәйләрнең тине тә, ҡәтәтләре тә пашҡа ҡалыҡлартан айырым пулған, аның өцөн аларның кән тошманнары пулған. Менә ҡәсер тә Ҡаман, патшалыҡта икенце кешесе, пөтөн йәбрәй ҡалыҡны ҡырып пөтөргәле уйлап ҡуйаты. Эстер патшабикә ҡыйын сайлаута тораты, тирән ағыллыҡ, күнкәннек әм ҡыйыулыҡ күргәсәте, әм пөтөн йәбрәй ҡалыҡның йасмышына йоғонтойто.
Пес өмөтләнәбес, пы ҡысҡа китаплар пелән танышыу пөтөн Иске Йасмаға ҡысығығысны тыутырыр.
Иске Йасманың телмәцләү институты үсенең рәҡмәтләрен пелтерәте телмәцләргә, редакторларға, әм пөтөн кешеләргә, кем пы пасманы эсерләгән.
Телмәцләү текстенең электрон версийәсен институтның сайтынта (ibt.org.ru) тапҡалы пулаты.


себер татарца
Institute for Bible Translation, Moscow
Рут турынта китап • Эстер турынта китап Йунус пәйғәмпәрнең китабы
Рут турынта китап (ISBN 978-5-93943-307-5) • Эстер турынта китап Йунус пәйғәмпәрнең китабы (ISBN 978-5-93943-271-9)

Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Remove column
close
listen
download
more audio
← prev / next →

Элимелех ҡәйләсенең Моапта йәшәүе

1 Ҡацан Исраилтә пашлыҡлар утырған уаҡытта илтә ацлыҡ пашланҡан. Пер кеше үсенең ҡатыны, ике паласы пелән Иутейәнең Петлехем торатан Моап талаларға күценеп киткәннәр.2 Ул кешенең исеме Элимелех пулған, ҡатынының – Наймина, ә палаларының – Махлон әм Килион. Алар Иутейәтә ураннышҡан Петлехемнән йепраталылар пулған. Алар Моап талаларға килеп, анта йәшәгәннәр.
3 Найминаның ире Элимелех үлгән суң, Наймина ике паласы пелән ҡалған.4 Алар Моап ҡалыҡның ҡатыннарға өйләнкәннәр. Перенцесенең исеме Орупа, икенцесенең – Рут. Перәй ун йелтән суң,5 Махлон пелән Килион үлгәннәр. Наймина ирсес тә паласыс та ҡалған.

Наймина Рут килене пелән Петлехемкә ҡайтаты

6 Наймина Моап талаларта пулғанта, аңа ҡәбәр йеткән – РАППИ үсенең ҡалығына пулышҡан, аңа асыҡ пиргән. Ул уаҡытта Наймина үсенең киленнәре пелән, Моап талаларнан цығып өйгә ҡайтҡан.7 Наймина ике киленнәре пелән йәшәгән өйләренән цығып киткәннәр. Алар йулта пулғанта, Иутейә йергә ҡайтҡан цаҡларынта,8 Наймина пылай әйткән ике киленнәренә:
– Ҡайтың үсегеснең инәләрегеснең өйөнә. Ницек сес үсегеснең үлгән ирләрегескә рәғим пултығыс, ницек миңә рәғим иттегес, алай уҡ сескә РАППИ рәғимлек пирсен.9 РАППИ сескә йаңатан кейәүгә цығып, йаңа өйтә тыныцлыҡ тапҡалы пулышлыҡ пирсен.
Ул киленнәрен үбеп алты. Алар ағырып сыҡтап киттеләр,10 ҡайнасына әйттеләр:
– Пес синең пелән пергә Ихудаға китәбес.
11 Наймина киленнәренә:
– Ҡысларым, өйөгөскә ҡайтың. Ник сескә минең пелән парғалы? Инте минең пала пулмайты сескә өйләнәтеген.12 Өйөгөскә ҡайтың, минең ҡысларым! Минең тың йәшем оло тағын та кейәүгә цыҡҡалы. Әгәр тик уйлап паҡсам та, минең өмөтөм әле пар тип, әгәр пөгөн төннә уҡ мин ир пелән пулсам,13 анан суң пала тапсам, ә сескә аларны үсеп цығыуын көткәле мә? Инте аның өцөн сескә кейәүгә цыҡмағалы ма? Йуҡ, ҡысларым. Минең ҡайғым сескә тың ауыр пулаты. РАППИ миңә ҡаршы пулты.
14 Алар йаңатан үгереп сыҡташып киттеләр. Орупа ҡайнасын үбеп алты та, аның пелән ҡушлашты. Ә Рут аңа йәбешеп ҡалты.
15 Наймина Рутҡа:
– Ҡарап паҡ, синең килентәшең үсенең ҡалығына та үсенең ҡотайларына ҡайтаты. Син тә аның пелән ҡайт, – тите.
16 Рут пылай тип әйтте:
– Мине ҡыстама сине ҡалтырғалы та ташлап синән киткәле. Ҡайта син парсаң – анта мин тә парырым. Ҡайта син йәшәсәң – анта мин тә йәшәрем. Синең ҡалығың – минең ҡалығым пулыр. Синең Аллаң – минең Аллам пулыр.17 Ҡайта син үлсәң – анта мин тә үлерем, анта күмелерем. Песне үлем кенә айырыр. Ә пы пылай пулмаса, мине РАППИ йаса итсен.
18 Наймина Рутның үсенеңкесентә тороуын аңнаты, аның өцөн ҡыстауын ҡуйты.
19 Ике ҡатын Петлехемкә атлап киттеләр. Петлехемкә йеткәц, антағы ҡалыҡ ҡайнашып китте.
– Пы Наймина ма? – ҡыцҡыртылар ҡатыннар.20 Наймина аларға:
– Сес мине Наймина тип атамаң, Мара тип әйтең. Көцлө Алла минең тормошомно тың ацы ҡылты.21 Мин пай мынан киттем, ә РАППИ мине пер нимәсес ҡайтарты. Ник мине Наймина тип атағалы? РАППИ миңә күрәцәк күртерте. Көцлө Алла мине пәләгә ҡалтырты.
22 Менә пылай Наймина пергә моаплы Рут килене пелән Моап талалартан ҡайтты. Алар Петлехемкә арпа уратығын пашлаған уаҡытта килтеләр.
← prev / next →
© 1999-2023 Institut für Bibelübersetzung