Job.38.4-Job.38.7; Ps.32.6; Ps.135.5; Isa.42.5; Isa.45.18; John.1.1-John.1.3; Acts.14.15; Acts.17.24; Col.1.16-Col.1.17; Heb.1.10; Heb.11.3; Rev.4.11
Jer.4.23
2Cor.4.6
Job.37.18; Ps.135.5; Jer.10.12; Jer.51.15
Prov.8.27-Prov.8.29; Ps.148.4
Job.38.8-Job.38.11; Ps.32.7; Ps.135.6; Jer.5.22; 2Pet.3.5
Ps.103.14
Jer.10.2; Ezek.32.7-Ezek.32.8; Joel.2.30-Joel.2.31; Joel.3.15; Matt.24.29; Luke.21.25; Ps.103.19
Deut.4.19; Ps.135.7-Ps.135.9
Jer.31.35
Ps.103.25-Ps.103.26
Gen.8.17; Gen.9.1
Gen.3.22; Gen.11.7; Isa.6.8; Gen.5.1; Gen.9.6; 1Cor.11.7; Eph.4.24; Col.3.10; Jas.3.9; Gen.9.2; Ps.8.7-Ps.8.9; Jas.3.7
Gen.2.18; Gen.2.21-Gen.2.23; Gen.5.2; Mal.2.15; Matt.19.4; Mark.10.6
Gen.9.1; Gen.9.7
Gen.9.3; Ps.103.14-Ps.103.15; Ps.144.15-Ps.144.16
Ps.146.9
Eccl.7.29; 1Tim.4.4
قىرع–ۉن
قىرعىز تىلىندەگى بئبلىيا. قايرا ىشتەلىپ، ەكىنچى باسىلىشى 2004. ەلەكتروندۇك ۋەرسىيا 2.0


Copyrighted: 2004© بوورۇكەرلىكتىن ۅكۉلدۉگۉ «ۉمۉت نۇرۇ».

back
close
Go to next chapter Go to previous chapter
:
Highlight next verse Highlight previous verse
Remove column
← prev / next →

دۉينۅنۉن جارالىشى

1 ەڭ باشىندا قۇداي اسمان مەنەن جەردى جاراتتى.
2 جەر بولسو كۅركسۉز، ەەن بولچۇ، تۉپسۉز تۇڭعۇيۇقتۇ قاراڭعىلىق قاپتاپ تۇرچۇ.قۇدايدىن رۇحۇ سۇۇ ۉستۉندۅ قالقىپ ۇچۇپ جۉرچۉ.
3 وشوندو قۇداي: «جارىق بولسۇن!» – دەدى.جارىق پايدا بولدۇ.
4 قۇداي جارىقتىن جاقشى ەكەنىن كۅرۉپ، جارىقتى قاراڭعىدان اجىراتتى.
5 قۇداي جارىقتى «كۉن»، قاراڭعىنى «تۉن» دەپ اتادى. كەچ كىرىپ، تاڭ اتتى: بئرىنچى كۉن ۅتتۉ.
6 انان قۇداي: «سۇۇلاردىن ورتوسۇندا ابا مەيكىندىگى بولسۇن، ال سۇۇنۇ سۇۇدان بۅلۉپ تۇرسۇن»، – دەدى.
7 وشەنتىپ، قۇداي ابا مەيكىندىگىن جاراتىپ، ابا مەيكىندىگىنىن استىنداعى سۇۇنۇ ابا مەيكىندىگىنىن ۉستۉندۅگۉ سۇۇدان بۅلۉپ قويدۇ. تاق وشوندوي بولدۇ.
8 قۇداي ابا مەيكىندىگىن «اسمان» دەپ اتادى. كەچ كىرىپ، تاڭ اتتى: ەكىنچى كۉن ۅتتۉ.
9 انان قۇداي: «اسمان استىنداعى سۇۇلار بئر جەرگە چوعۇلسۇن، قۇرعاقتىق پايدا بولسۇن»، – دەدى. تاق وشوندوي بولدۇ.
10 قۇداي قۇرعاقتىقتى «جەر» دەپ اتادى، ال ەمى چوعۇلعان سۇۇلاردى «دەڭىز» دەپ اتادى. قۇداي مۇنۇن جاقشى ەكەنىن كۅردۉ.
11 انان قۇداي: «جەر ۅسۉمدۉكتۅردۉ، ۇرۇق چاچقان تۉردۉۉ چۅپتۅردۉ، ۇرۇعۇ جەر ۉستۉندۅ ۅز تۉرۉ بويۇنچا جەمىش بەرگەن مۅمۅلۉۉ داراقتاردى ۅستۉرۉپ چىعارسىن»، – دەدى. تاق وشوندوي بولدۇ.
12 وشوندو جەر ۅسۉمدۉكتۅردۉ، ۇرۇقو چاقان تۉردۉۉ چۅپتۅردۉ، ۅز تۉرۉ بويۇنچا جەمىش بەرگەن مۅمۅلۉۉ داراقتاردى ۅستۉرۉپ چىعاردى. قۇداي مۇنۇن جاقشى ەكەنىن كۅردۉ.
13 كەچ كىرىپ، تاڭ اتتى: ۉچۉنچۉ كۉن ۅتتۉ.
14 انان قۇداي: «كۉندۉ تۉندۅن اجىراتۇۇ ۉچۉن، مەزگىلدەردى، كۉندۅردۉ، جىلداردى بەلگىلۅۅ ۉچۉن، اسمان مەيكىندىگىندە چىراقتار بولسۇن.
15 الار جەرگە جارىق بەرىپ تۇرۇشۇ ۉچۉن، اسمان مەيكىندىگىندە چىراق بولۇشسۇن»، – دەدى. تاق وشوندوي بولدۇ.
16 وشەنتىپ، قۇداي ەكى چوڭ چىراقتى: كۉندۉ باشقارۇۇ ۉچۉن چوڭۇرااق چىراقتى، تۉندۉ باشقارۇۇ ۉچۉن كىچىرەەك چىراقتى جانا جىلدىزداردى جاراتتى.
17 قۇداي الاردى جەرگە جارىق بەرىشى ۉچۉن،
18 كۉن مەنەن تۉندۉ باشقارىشى ۉچۉن، جارىقتى قاراڭعىدان اجىراتىشى ۉچۉن، اسمان مەيكىندىگىنە جايعاشتىردى.قۇداي مۇنۇن جاقشى ەكەنىن كۅردۉ.
19 كەچ كىرىپ، تاڭ اتتى: تۅرتۉنچۉ كۉن ۅتتۉ.
20 انان قۇداي: «سۇۇ تىرۉۉ جاندىقتارعا تولسۇن. جەر ۉستۉندۅ، اسمان مەيكىندىگىندە قاناتتۇۇلار ۇچسۇن»، – دەدى.
21 وشەنتىپ، قۇداي سۇۇداعى كۅپ سانداعان چوڭ بالىقتاردى جانا سويلوپ جۉرۉۉچۉ ار تۉردۉۉ جاندىقتاردى، ار قانداي قاناتتۇۇلاردى تۉر-تۉرۉ مەنەن جاراتتى.قۇداي مۇنۇن جاقشى ەكەنىن كۅردۉ.
22 انان قۇداي الارعا مىنداي دەپ باتاسىن بەردى: «تۇقۇمداپ كۅبۅيگۉلۅ، دەڭىز سۇۇلارىن تولتۇرعۇلا، قاناتتۇۇلار دا جەردە كۅبۅيۉشسۉن».
23 كەچ كىرىپ، تاڭ اتتى: بەشىنچى كۉن ۅتتۉ.
24 انان قۇداي: «جەر تىرۉۉ جاندىقتاردى: مالداردى، سويلوپ جۉرۉۉچۉ جانىبارلاردى، جەر جانىبارلارىن تۉر-تۉرۉ مەنەن چىعارسىن»، – دەدى. تاق وشوندوي بولدۇ.
25 وشەنتىپ، قۇداي جەر جانىبارلارىن تۉر-تۉرۉ مەنەن، مالداردى تۉر-تۉرۉ مەنەن، سويلوپ جۉرۉۉچۉ جانىبارلاردى تۉر-تۉرۉ مەنەن جاراتتى.قۇداي مۇنۇن جاقشى ەكەنىن كۅردۉ.
26 انان قۇداي مىنداي دەدى: «بئزدىن بەينەبىز بويۇنچا ۅزۉبۉزگۅ وقشوشتۇرۇپ ادام جاراتالى. الار دەڭىزدەگى بالىقتارعا، اسمانداعى قاناتتۇۇلارعا، مالدارعا، جەر ۉستۉندۅ سويلوپ جۉرۉۉچۉ جانىبارلارعا، بۉت جەر ۉستۉنۅ بىيلىك قىلىشسىن».
27 وشەنتىپ، قۇداي ۅز بەينەسى بويۇنچا ادام جاراتتى، انى قۇدايدىن بەينەسى بويۇنچا جاراتتى.الاردى ەركەك-ايال قىلىپ جاراتتى.
28 انان قۇداي الارعا مىنداي دەپ باتاسىن بەردى: «ۇقۇمداپ-تۇقۇمداعىلا، جەر جۉزۉن تولتۇرعۇلا، جەردى ەەلەگىلە جانا دەڭىزدەگى بالىقتارعا، اسمانداعى قاناتتۇۇلارعا، جەر ۉستۉندۅ سويلوپ جۉرۉۉچۉ باردىق جانىبارلارعا بىيلىك قىلعىلا».
29 انان قۇداي داعى مىنداي دەدى: «مەن سىلەرگە بۉت جەر ۉستۉندۅگۉ تۉر-تۉرۉ مەنەن جەمىش بەرگەن ار قانداي ۇرۇقتۇۇ ۅسۉمدۉكتۅردۉ، مۅمۅسۉندۅ ۇرۇعۇ بار ار قانداي مۅمۅلۉۉ داراقتاردى بەردىم، بۇلار سىلەرگە ازىق بولسۇن.
30 ال ەمى باردىق جەر جانىبارلارىنا، باردىق اسمان قاناتتۇۇلارىنا، جەر ۉستۉندۅ سويلوپ جۉرۉۉچۉ ار قانداي تىرۉۉ جانىبارلارعا باردىق ۅسۉمدۉكتۅردۉ ازىق قىلىپ بەردىم». تاق وشوندوي بولدۇ.
31 قۇداي ۅزۉ ەمنەنى جاراتسا، وشونۇن باردىعى ابدان جاقشى ەكەنىن كۅردۉ. كەچ كىرىپ، تاڭ اتتى: التىنچى كۉن ۅتتۉ.
← prev / next →
© 1999-2023 Institute for Bible Translation