SHR:Matt.3.1-Matt.3.12; SHR:Luke.3.1-Luke.3.9; SHR:John.1.19-John.1.28
SHR:Ps.2.7
SHR:Exod.23.20; SHR:Mal.3.1; SHR:Matt.11.10; SHR:Luke.7.27
SHR:Isa.40.3
SHR:Luke.1.80; SHR:John.1.6
SHR:Acts.19.18
SHR:2Kgs.1.8; SHR:Lev.11.22; SHR:1Sam.14.26
SHR:Matt.3.13; SHR:Luke.3.21-Luke.3.22; SHR:Luke.4.1-Luke.4.13
SHR:Joel.2.28
SHR:Matt.2.23; SHR:Luke.2.39
SHR:Acts.7.56; SHR:Isa.11.2; SHR:John.1.32-John.1.33
SHR:Mark.9.7; SHR:John.12.28; SHR:Isa.42.1; SHR:Mark.9.7; SHR:2Pet.1.17
SHR:Matt.4.18-Matt.4.22; SHR:Luke.5.1-Luke.5.11
SHR:1Chr.21.1; SHR:1Thess.3.5; SHR:Luke.22.43
SHR:Josh.21.39; SHR:1Kgs.9.11; SHR:Isa.9.1
SHR:Gal.4.4; SHR:Matt.3.2
SHR:Num.34.11; SHR:Matt.14.34; SHR:Mark.6.53; SHR:John.1.40-John.1.42
SHR:Matt.13.47
SHR:Mark.10.28
SHR:Luke.4.31-Luke.4.41
SHR:Matt.4.13
SHR:Matt.7.28-Matt.7.29
SHR:Mark.5.7; SHR:Acts.19.15; SHR:John.6.69
SHR:Mark.9.20; SHR:Acts.8.7
SHR:Acts.17.19
SHR:1Cor.9.5
SHR:Mark.5.41; SHR:Mark.9.27; SHR:Acts.3.7; SHR:Acts.9.41
SHR:Luke.4.42-Luke.4.44
SHR:Matt.12.16; SHR:Mark.3.12
SHR:Matt.14.23; SHR:Luke.5.16
SHR:Isa.61.1
SHR:Matt.8.1-Matt.8.4; SHR:Luke.5.12-Luke.5.16
SHR:Lev.13.3; SHR:Num.12.10; SHR:2Kgs.5.1; SHR:2Chr.26.20; SHR:Mark.9.22
SHR:Luke.17.14
SHR:Matt.9.30
SHR:Lev.14.1-Lev.14.32; SHR:Luke.17.14
SHR:Mark.7.36

МАРК ПАСҚАН АҚ ТИЛААС

Библияны кежирчең институды Москва 2004

Сӧс алы

Қайран қыырчыған кижи!

Мна, сеең қолында Марк пасқан Ақ Тилаас номы. По ном пурунғу темде пас-салған полған, грек тилбе пас-салған. Пас-салғанынаң ала по номны қанче-қанче тиллерге кежиргеннер. Ам тезе пис аны пистиң тадар (шор) тилбе қыырар поларбыс. Ана ол наа-ла тадар тилбиске кежирген номы сеең қолында.
Ноо небе Ақ Тилаас? Пистиң тадар тилбе Ақ Тилаас теп, пурунғу грек тилбе Евангелие теп. Ээде Қудайдың Оғлу Иисус Христос Позының ӱргедийин адады: Ақ Тилаас теп.
Ол Иисус Христос пир темде по чарыққа келген полтыр. Ол келгенинең ала ийги муң чыл эрт-парды. Палестина теп черде туғып келтир. По чарыққа келип, кижилер аразында чӧрӱп, Ол Позының ӱргедийин чарлап чӧрген. Ана ол ӱргедийи по номда. Кижи позының сағыжынма, чӱрегинме Ааң Ақ Тилаазын алынып, қыйалдаң, ӧлӱмнең, қайдығ да қара небелердең арғаланар полар, қоралбас чадыға кирер полар. Иисустың Ақ Тилаазы – кижилерге Ааң ақкелип ысқан андығ арғаланарынаң ӱчӱн Ақ Тилаас полтыр. Ақ Тилаазоқ Иисус Христостың чарлап чӧргенинең ӱчӱн, қайғал эткенинең ӱчӱн, Ааң ӧлгенинең, анаң тирилип турғанынаң ӱчӱн айдылча.
Ноо кижи Марк? Марк теп адалған кижи олоқ темде олоқ Палестинада чатқан полтыр. Ол – Христос чолыба парған кижи полған, мында пасқанының қайзын позы кӧрген полтыр.
Марк пасқан Ақ Тилаас номы Наа Чӧп Пичигинге кирча. Олоқ Пичигинге: Матвей пасқан, Ыйбан пасқан, Лука пасқан Ақ Тилаас номнар кирча; мнаң пашқа: Апостоллар эт чӧргени номы, Апостоллардаң ысқан қаттар номнары, Қудайдың ажылынып айтқаны номы кирчалар.
Наа Чӧп Пичиги Пурунғу Чӧп Пичигинме Қудай Пичиги (Библия) теп, адалча. Ол Қудай Пичиги по чарықта най қыырчаң ном. Ол ном қалықтардың кӧп тиллерге кежирген, ноо да кижи Қудай сӧзин туған тилбе қыырып, сағыжынма Аны алзын теп.
Анаң-аара слер ам Марк пасқан Ақ Тилаасты туған тилбе қыырар полчызар. Алында пистиң тилге Қудай Пичиги кезектеп ле кежирген полған. Аны И.М. Штыгашев 1883 чылда кежирген. Ол темнең ала мна-по пистиң Марк пасқанын кежиргени ле шықча, пашқа кежиргени полбады.
Библияны кежирчең институды Марк пасқан Ақ Тилаасты тадар тилге шығарарға полушқан кижилерге: тилдең тилге кежирчиге, шынықтачыларға паза пашқа да кижилерге улуғ алғыжын четтирча.

Марк пасқан

Ақ Тилаас



Тадар тили
http://ibt.org.ru/bible
Тадар тили: Марк Пасқан Ақ Тилаас, Ыйбан Пасқан Ақ Тилаас Тадар (шор) тили: Марк Пасқан Ақ Тилаас, Ыйбан Пасқан Ақ Тилаас


Copyrighted: Библияны кежирчең институды Москва 2004, 2011

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
prev / next

Ыйбан теп Крестеечи келди

1 Қудайдың Оғлунаң Христос Иисустаң ӱчӱн Ақ Тилаас, кижилер аразынға чет-келип, мна пееде тарала-берди.
2 Ол небе Исайя теп пророктың пичигинде пазылған ошқаш полды: «„Мна, Сеең алдында тилаасчымны Мен ысчам. Ол тилаасчым парып, Сеең чолың сала-берер“.
3 Анаң, мна, ақ чалаңда тилаасчызының қыйғы-ӱнӱ уғул-партыр: „Улуғ Қаанға чӧрерге чолын пелнеп-салаар. Чолы тӱс ползын“ теп».
4 Ол ақ чалаңда Ыйбан теп Крестеечи шық-келген полтыр. Шық-келип, қалық аразында чарлап чӧре-берди: «Қудайға айланып, крестенаар, – теди, – Қудай слердиң қыйалларың шығарып, таштазын».5 Иудея теп чердиң қалығы, анаң Иерусалим теп тураның кижилери қалбан, – парчазы Ыйбанға келтирлер. Ыйбанға келип, постарының қыйалларын ажып, Иордан теп суғда Ыйбаннаң ол қалық крестенди.6 Ыйбан позы чы шабыр кезинип, тере қурба қурчанып чӧрген кижи полтыр. Кескен шабыры тӧӧ-мал қылынаң пағлалтырған шабыр полтыр. Шарытқаш чиип, ачық мӧт чиип, – ээде азран-келип чӧртир.7 Ыйбан чарлап чӧрди: «Меең соонымда менең кӱштиғаарақ кижи келча-но, – теди, – келзе, Ааң азақ-кебин да мен шежип кӧрерге чарабас поларым.8 Мен слерди суғба крестепчам, Ол тезе слерди Ағарығ Тынынма крестер» – теди.

Ыйбан Иисусты крестепча

9 Олоқ кӱннерде Галилея теп чердаа Назарет теп турадаң Иисус келтир. Ол келгенде, Ыйбан Аны Иордан-суғда крестеди.
10 Иисус суғдаң шықчығанында, ӧреги тегри олоқ ажыл-партыр. Ажыл-парған тегридең Ағарығ Тын Иисустың ӱстӱнге қалабуқ чилеп учуғып тӱштир.11 Ағарығ Тын учуғып тӱшкенде, ӧреги тегридең ӱн уғулды: «Сен – Меең кӧӧленген Оғлумзың, Меең чақшы сананғаным Сенде» теп.

Иисус шайтанға шыңнаттырча

12 Анаң соғада ол Ағарығ Тын Иисусты чалаң-черге аппартыр.
13 Чалаң-черде Иисус қырық кӱн полтыр. Анда шайтан Аны шыңнап кӧртир. Иисус анда аңнар аразында чаттыр, ангеллар Аға полужып чӧртир.

Иисус Ақ Тилаазын чарлап чӧре-берди

14 Пир темде Крестеечи Ыйбанны тӱрмеге одур-салтырлар. Андығ небе пол-парған соонда Иисус Галилея-черге келди. Келип, Қудайдың Ақ Тилаазын анда чарлап чӧре-берди.
15 «Тем четти! – теди, – Қудайдың Паштағаны чағын! Қудайға айланып, Ааң ысқан Ақ Тилаазынға пӱдаар!» теп, айт чӧрди.

Паштапқы ӱргенчиктери

16 Пир қада Галилея-талайының қажынча парып, Иисус ийги қарындашты – Симонма Андрейды кӧриб-алтыр. Лар, палық аңнарға ағларын алып, кебезинең аны суға суғыб-одурдылар.
17 Иисус ларға айтты: «Мееңме пирге парааңнаар. Мееңме пирге парзаар, палыққа аңнаачы эбес, – қалыққа аңнаачы поларзар» – теди.18 Поны уғыб-алып, лар, ағларын таштап, Ааңма пирге олоқ пара-бердилер.19 Иисус, анаң чӱче парып, Зеведейдиң оолларын – Якуппа Ыйбанны кӧриб-алтыр. Лар, кебелериндоқ одур-келип, ағларын тағраптырлар.20 Кӧрӱпла-алып, Ол ларды Позыңма пирге парарғоқ қыыртыр. Лар, Зеведей-абазынма чалчы-кижилерин кебеде таштап, Иисуспоқ пирге пара-бердилер.

Иисус, кижилерди чазып, позының арығ кӱжин кӧргӱсча

21 Лар, парып, Капернаум-тураға келдилер. Полған-на суббот кӱнде Иисус синагогаа келип, анда ӱргетти.
22 Ааң айтчығанын уғып, қалық таңзынды: «Уқсаар, по кижи писти ӱргедип, қатчы-чозақчы кижи чилеп эбес, улуғ паш-пилеечи кижи чилеп ӱргетча-но» – тештилер.23 Ол темде олоқ синагогада айнаға туттырған пир кижи полған полтыр. Ол кижи қыйғырды:24 «Пистиң аразында Саға ноо керек, Назарет-тура кижизи Иисус?! Сен писти пожат-саларға келдиң-но! Сен кем поларын уңнапчам: Сен – Қудайдың Ағарығзың-но!» – теди.25 Иисус аға қадығ айтты: «Шым пол, тепчам, по кижидең шық-пар!» теп.26 Айтқан сӧзи эрткенче, айна, кижини силгида-берип, тың аақтағанче, ол кижидең олоқ шығара шық-партыр.27 Поны кӧриб-алып, кижилер қоруққанче қайғалдылар, ӧзере сураштылар: «По ноо полған, эзе? По қайдығ-қайдығ наа ӱргедиғ ба?! По кижи паш-пилеечи ошқаш, са: Ааң қолында, мна, айналар да чобаш полчаттыр-но?!» – тештилер.28 Иисустың ады-шабы Галилея иштинде ылтам чайылды.
29 Синагогадаң шығала, Иисус Якуппа Ыйбанма қожа Симонма Андрейдың эминге келдилер.
30 Анда Симонның қазнези, эди-чаны изип-кӧйӱп, ағрып чатчаттыр. Лар эмге киргеннери, ол эпчи-кижиниң ағрыпчығанын Иисусқа олоқ айттылар.31 Иисус соғада қазнезинге парып, аны қолынаң ал-келип, азаққа турғус-салды. Анаң кӧргеннери – эпчи-кижиниң изийи сраңай эрт-партыр. Чазыл-парып, ол эпчи-кижи келген кижилерге стол салып, чӧре-берди.32 Порас тӱже, иир киргенде, қалық парчын ағрығ, айнаға туттырған кижилерди Иисусқа, кӧрзин теп, ақкелиб-одурды.33 Турада кижи қалбан, – тӱгезе Ааң эжик-алында толдра чыылыш-партыр.34 Иисус кӧп ағрығ кижи чазып, айнаға туттырған кӧп кижидең айналарын шығара сӱрди. Сӱрген айналарға тезе, Ол шынап кем полғанын кемге да айтпасқа айттырды.
35 Иисус пир кӱн эртен эрте, таң атқалақ темде тур-келди. Эмнең шығып, эн-черге парыбысты. Анда пашқойып турды.
36 Симон чы ӧскелерибе Аны тилеп чӧртир.37 Аны таб-ал, Симон айтты: «Сени кижилер тилепчалар-но» – теди.38 Иисус аға айтты: «Пир ле по турада эбес, – парчын черлерде чарлап чӧрерге Мен по чарыққа келдим-но. Анаң-аара мынаң ырақ эбес туралардың, ааллардың кижилеринге парааңнаароқ» – теди.39 Ээде Иисус Галилеядаа парчын черде чӧрӱп, синагогаларда чарлап, айналарды шығара сӱрӱп чӧрди.
40 Пир қада Аға чазылбас палығлығ кижи келди. Ааң алында тизеленип, чалғанып айтты: «Мени арығларға саназааң, арығлап-пер» – теди.
41 Аға ачынып, Иисус аны қолынма тегип, айтты: «Санапчам, арығ пол-пар» – теди.42 Айтқан сӧзи эрткенче, ол кижиниң палығлары чазылып, кижи арығ пол-партыр.43 Анаң Иисус чазыл-парған кижини пожатчадып, аға қадығ айтты:44 «Меең сӧзим уқ, кемге да небе айтпа. Абысқа ам парып, ол ла сени кӧрзин. По сеең арығ пол-парғаныңнаң ӱчӱн алғыштап, Моисей сӧспегинде айтқан чозағыба Қудайға кӧдӱриғ кӧдӱр. Сеең кӧдӱриғ эткениң кижилерге кӧрее ползын» – теди.45 Ол кижи тезе парып, ааңма полғанын аара-пеере чооқтап чӧре-берди. Анаң-аара тураға чуққа кир полбан, Иисус эн-черде ле турды. Пилдирбен да турза, Аға парчын чердең кижилер келиб-одурды.
prev / next