Acts.18.1-Acts.18.17; Rom.1.7
2Cor.8.7; 2Cor.9.11
Luke.17.30; 1Thess.3.13; 1Thess.4.16-1Thess.4.18; Phil.3.20
Phil.1.6
John.17.21; 1John.1.3; 1Thess.5.24; 2Thess.3.3; Heb.10.23
1Cor.11.18
1Cor.3.3
Acts.18.24; Acts.19.1; 1Cor.3.4-1Cor.3.5; 1Cor.4.6; 1Cor.6.12; Titus.3.13; John.1.42
Eph.4.4-Eph.4.5
Acts.18.8; Rom.16.23
1Cor.16.15
2Cor.10.10
1Cor.2.1; 2Cor.2.15; Rom.1.16
Isa.29.14
Isa.29.14
Prov.21.30; Isa.44.25; Rom.1.22; 1Cor.3.19
Matt.12.38; Mark.8.11; John.2.18; John.4.48; John.6.30
Gal.5.11
1Cor.2.7; Col.2.3
Jas.2.5
Rom.3.27; Eph.2.9
Eph.1.7; Phil.3.9
Jer.9.24
Jer.9.24; 2Cor.10.17
Гафарган

Каринфвийриз сад лагьай чар

Гьахьун

Каринф шегьер къадим Юнандин медениятдин, сиясатдин ва мадаратдин жигьетдай метлеб авай чка тир, ана чпихъ гьар жуьредин медениятар авай ва динар гвай инсанар санал алаз уьмуьр физвай. Каринф ана уьмуьр тухузвай агьалийрин чӀуру къилихрални фадлай машгьур чка тир. Ана сифте яз Павела вичин кьвед лагьай сиягьатда Шад Хабардикай вязер авунай. Павел Каринфдай хъфейдалай гуьгъуьниз аданни иманийрин цӀийи кӀватӀалдин арада чараралди алакъа гатӀун хьана. И чарчелай виликни Павела каринфвийриз чар ракъурайди тир, ам ЦӀийи Икьрардик акатнавач.
Павел Каринфдай хъфейдалай гуьгъуьниз са акьван вахт тефенмаз, каринфвийрин кӀватӀалда пайи-паяр хьуни, сада садахъ галаз гьуьжетар авуни ва каринфвийрин кӀватӀалдик квай гзафбуру иманидин тӀварцӀиз лайих авай уьмуьр тухун тавуни арадал гъайи гзаф месэлаяр пайда хьана. Идалайни гъейри, бязибуру Павелан нуфуздал ва адан вязерин гьакъикъивилел шак гъизвай. Каринфвийрик гъалаба кутазвай суалриз жаваб гун патал ва абурун месэлаяр алудун патал илчиди абуруз и чар кхьена.
1-кьилелай 6-кьилелди Павела кьил акъат тийидай кьуру ихтилатрихъ са бегьерни галачирди винел акъудзава, пайи-паяр тахьун тагькимзава ва Аллагьдин берекатдиз лайих яз гьикӀ уьмуьр тухудатӀа несигьатар гузва.
7-кьилин 11-аятдилай 16-кьилин 4-аятдалди Павела вичиз каринфвийри чпин чарче гайи кьилдин са бязи суалриз жавабар гузва: итимринни папарин алакъайрикай, бутриз къурбанд яз гъанвай тӀуьникай, фу атӀуникай, Руьгьдиз талукь паярикай, бедендал чан хтуникай, Ярусалимда авай иманияр патал садакьа гуникай. Вичин нуфуз хуьналди, Павела вичин илчивал гьакъикъи тирди субутзавай делилар гъизва. 13-кьил халисан ивир я. Ана иманийрин уьмуьрда виридалайни кьилинди муьгьуьббат тирди лугьузва.
Эхирда (16:4-24) Павела и кӀватӀалдиз вичин патай авай муьгьуьббатдикай лугьузва, вичин кьилдин ЦӀийи Хабаррикай ва вичин макьсадрикай ихтилатзава, гьакӀни вичин тӀалабар ва саламар агакьарзава.


лезги чӏал
http://ibt.org.ru/bible
лезги чӏал: ЦӀийи Икьрар, Рут, Эстер, Юнус пайгъамбар
лезги чӏал: ЦӀийи Икьрар, Рут, Эстер, Юнус пайгъамбар
Пак Каламдин таржумайрин Институт, Москва-Баку 2018
ЦӀийи Икьрар
Лезги чӀалаз авунвай Пак Каламдин таржумайрин электронный ва аудио кӀалубар квевай Пак Каламдин таржумайрин Институтдин сайтдай жагъуриз жеда (https://ibtrussia.org/media?id=LEZ)
ISBN 978-5-93943-258-0
© Институт перевода Библии, 2018

Рут, Эстер, Юнус пайгъамбар - Таржумачи: Арбен Къардаш, Редактор: Седакъет Керимова
Чна Квевай ктабдикай Куь фикирарни веревирдер
агъадихъ галай адресдиз ракъурун тӀалабзава:
ibt_inform@ibt.org.ru
ISBN 978-5-93943-158-3
© Институт перевода Библии, Москва, 2010

Creative Commons: by-nd: © Institute for Bible Translation; This work is licensed under the Creative Commons Attribution-NoDerivatives 4.0 International License. To view a copy of this license, visit http://creativecommons.org/licenses/by-nd/4.0/.

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Go to next chapter Go to previous chapter
:
Highlight next verse Highlight previous verse
Remove column
← prev / next →

Саламар ва шукурар

1 Аллагьдин къастуналди хкянавай Иса Месигьдин илчи хьунин везифа хиве тунвай Павелан ва СастӀен стхадин патай2 Каринфда авай иманийрин кӀватӀалдиз, Иса Месигьдалди гунагьрикай михьи авунвайбуруз, Адаз талукь хьун патал эвернавайбуруз, гьакӀни жуьреба-жуьре чкайра Иса Месигьдин, яни абурун ва чи Реббидин ТӀварцӀихъ элкъвезвайбуруз.3 Аллагьдин, чи Бубадин, ва Ребби Иса Месигьдин патай берекат ва саламатвал хьурай квез.
4 Аллагьди Иса Месигьдалди квез берекат ганва лугьуз, за гьар са чӀавуз куь паталай зи Аллагьдиз шукур ийизва.5 Месигь себеб яз, Аллагьди квез гьар са патахъай, гьар са гафуна ва гьар са чирвиле девлет ганва.6 ГьикӀ лагьайтӀа чна Месигьдикай авур шагьидвилин гьакъикъивал квелди тестикьарна.7 Гьавиляй куьне чи Ребби Иса Месигь пайда хьун вилив хуьзвай кьван береда Руьгьдикай ганвай паюна са дарвални жедач.8 Чи Ребби Иса Месигь хтай юкъуз квек са тахсирни тежедайвал, Ада куьн эхирдал кьван имандал хьунал мягькемарда.9 Вичин Хва Иса Месигьдихъ галаз, чи Реббидихъ галаз рафтарвиле хьухь лугьуз квез эверай Аллагьди Вичи гайи гафуниз вафа хуьзва!

Иманийрин кӀватӀал пайи-паяр хьун

10 Чи Ребби Иса Месигьдин ТӀварцӀелай за квез сад садахъ галаз туькӀвена хьухь лугьуз минетзава, стхаяр-вахар! Къуй куь арада са чаравални тахьуй, куь фикирарни ниятар сад хьурай.11 Зи стхаяр-вахар, Хилаядин кӀвалевайбурувай заз куь гьуьжетрикай чир хьана.12 Зи фикирда авайди квекай садбуру икӀ лугьун я: «Зун Павелан терефдар я», муькуьбуру – «Зун – АпӀаласан», пуд лагьайбуру – «Зун – Кифадин», кьуд лагьайбуру – «Зун – Месигьдин».13 Месигь пайи-паяр хьанани кьван? Я туштӀа, куь паталай хашуниз ягъайди Павел тир жал? Ва я куьне Павелан тӀварцӀелай цик акахьун къачунай жал?14 Аллагьдиз шукур, Криспалайни Гаялай гъейри, за квекай садавни цик акахьун къачуз туначир,15 гьакӀ хьайила квевай садавайни вичив зи тӀварцӀелай цик акахьун къачуз турди я лугьуз жедач.16 Эхь, за Истефасан кӀвалевайбурувни цик акахьун къачуз тунай, мад са нив ятӀани цик акахьун къачуз тур хьтин кар зи рикӀел аламач.17 Зун лагьайтӀа, Месигьди инсанрив цик акахьун къачуз таз ваъ, Шад Хабардикай муштулухар гуз ракъурнава. За инсанрин камал квай гафар галачиз муштулухар гун лазим я. МасакӀа хьайитӀа Месигьдин хашуни вичин гуж квадарда.

Дуьньядин камал Аллагьдин вилик ахмакьвал я

18 Техкверна терг жедайбуру хашуникай хабар ахмакьвал яз гьисабзава, амма хилас жедай чун патал ам Аллагьдин къуват я.19 ГьикӀ лагьайтӀа, кхьенва:
«За камал авайбурун камал са куьнайни туширвал ийида,
акьул авайбурун акьулни За инкарда».
20 Гьинава камал авайди? Гьинава тавратдар? Гьинава и асирдин магьир гьуьжеткар? И дуьньядин камал гьакъикъатда ахмакьвал тирди Аллагьди къалурначни кьван?21 Аллагьдихъ камал авай: Аллагьдай кьил акъудун патал, инсанри чпин камалдикай менфят къачун тийидайвал авуна. Идан чкадал Аллагьди чна ваз ийизвай ахмакь хабардин чӀалахъ жезвайбур хилас авун кьетӀна.22 Чувудриз керемат-ишараяр кӀанзава, муькуьбуру камал жагъурзава,23 чна лагьайтӀа, хашуниз ягъай Месигьдикай хабар гузва – им чувудар патал кӀвач галкӀидай къван я, муькуьбур патал – акьул тахьун.24 Амма Аллагьди эвернавайбур патал, абур кӀандатӀа чувуд, кӀандатӀа муькуьбур хьурай, Месигь Аллагьдин къуватни камал я!25 ГьикӀ лагьайтӀа Аллагьдин «сефигьвиле» инсандин камалда авайдалай гзаф камал ава, Аллагьдин «зайифвиле» инсандин къуватда авайдалай гзаф къуват ава.
26 Аллагьди квез эверай чӀавуз куьн гьихьтинбур тиртӀа килиг, стхаяр-вахар. Куь арада, инсандиз хас жуьреда веревирд авуртӀа, камал авайбур гзаф тирни, къудрат авайбур гзаф тирни, тӀвар-ван авайбур гзаф тирни?27 Амма Аллагьди камал авайбуруз регъуь хьун патал дуьньяда сефигьбур яз кьазвайбур хкяна, къуват авайбуруз регъуь хьун патал зайифбур хкяна.28 Важиб авайди яз гьисабзавайди агъузарун патал, Ада дуьньяда са къиметни авачирди, агъада авайди ва русвагьнавайди хкяна,29 гьакӀ хьайила садавайни Адан вилик вичин тарифиз жедач.30 Аллагьди лагьайтӀа, куьн чун паталди Аллагьдин камал, гьахъ-михьивал, гунагьрикай михьи хьунухь ва гъил къахчунин себебкар хьанвай Иса Месигьдихъ галкӀурна.31 Гьавиляй, Каламда кхьенвайвал жезва: «Тариф ийизвайда Аллагьдалди тариф авурай».
← prev / next →
© 1999-2023 Institut für Bibelübersetzung