2Kgs.14.25

Nah.1.1; Zeph.2.13

1Kgs.10.22; Isa.23.1; Josh.19.46

Ps.106.25

Acts.27.18

Joel.2.13-Joel.2.14; Amos.7.3; Amos.7.6; Jonah.3.9

1Sam.14.41-1Sam.14.42

Ps.94.5; Ps.145.6

Deut.21.8

Ps.64.8

Isa.19.21

Вади” Хамэди”

Нум’ Вади вадета Иона’

падвы падар”

ненэй вадавна, луца’ вадавна ирсу” падвэхэ’

Институт перевода Библии

Москва

2021

Нум’ Вади вадета Иона’ падвы падар” – ненэй вадавна,

луца’ вадавна ирсу” падвэхэ’

ISBN 978-5-93943-300-6

Толаӈгода нина”!

Тюку маниенара” – Нум’ Вади вадита Иона’ падвы падар”, Невхы Вато’ ӈоб” терда. Невхы Вато, Едэй Вато’ ня’ Нум’ Падар’ терха’. Тикы падаркат Падар”, юре” по’ ямбан’ я’ тиӈгэвна сямянхат толабада ӈэвы, теда’ ӈод” тарця.

Невхы Вато Нум’ я’ тирм’ мивам’, ненэцям’ мивам’ ваде”ӈа”, тадтикахад еврей”, ӈани невхы ненэцие” тэнз’ иле”мидо’, индато’ несэйвор”мам’ ваде”ӈа.

Иона падвэхэнанда, Нум’ Вади вадетаӈэ хэван’ нись харвавамда, тадтикахад ныхында ӈардан’ тарця Нум’ хамахад таяхало”мамда ваде”ӈа.

Тикы ненадо сер” маня” илна” ӈадимя’ нерня VIII юре” по’ тяхана ӈэвы. Нум’ Ионам’ вэбты, тадтикахад ватосавэй Ассирия параӈодадава’ Ниневия хардаханда хэсь, тикы харад’ терха” хэбяхасавэй ӈэвамдо’ ваде”манзь табэдавэда. Иона, Израиль’ тер” ӈахат вэнзу нидо’ – Ниневия’ тер” хэбяхыдо’ индо’ ядан’ хаевахандо’, Нум’ хэбяхыдо’ ха”авраваханда нивы харва”. Маси”, пыда вэнзуху” хэсь сейда пинвэкы, ӈадъбята Ниневияхад няби няна ӈэда ян’ хая.

Хуркари и” хэбиле”мя серота пуд, Иона Нумд’ намда, тарем’ ӈод” Нум’ Ниневия’ тер” хэбяхы ха”авравада пыда ихинянда саць сава нись ӈа”. Нумгав’ сава юнамда ня”маванда пир хусувэйм’ сялил”мамда Ионан’ манэ”лабта. Пыда хэбяхасавэй ненэцие” хаван’ ни харва”, та’ екававна хэбяхыдо’ индо’ ядан’ хаевахандо’ харва. Нум’ Ерв – Израиль’ тер” Нумли ни ӈа”, я’ тир’ Нум’, иленя” сармик” ӈэбто’ ӈод”, я’ ниня вадёдана” ӈэбто’ ӈод”, пыдо’ мал’ Ватонда сер’ ӈа”, Нянанда тарана”.

Едэй Ватохона Иисус няна” Иона’ иле”мям’ тензибтемби, Харта яӈгуво”мамда, тадтикахад яӈор’ илело”мамда манэ”лабтамби. Тикы’ хавна Иисус Ниневия я’ тер хэбяхасавэй” табэдяр’ ватоси” хэбяхыдо’ хаева’ манэ”лабт”ӈэ мэ”ӈа.

Маня” Невхы Ватоход ӈэда тюку нюдяко падарм’ толабаванда” сер’, няв-няв Нум’ Падарм’ ӈарханда толаваханда” енава”. Нум’ Падарм’ пэртя Институт Нум’ Вади вадета Иона’ падвы тюку падарм’ ненэй вадан’ падвэн’, вади тидхалембавэн’, падтаӈговэн’ сейхад ӈэда сава вади хэтби.

Электрон’ мирбям’ мэта падаркавм’ ИПБ сайтхана https: ibt.org.ru хана хось пиртара”.

ненэцяʼ вада

Institute for Bible Translation, Moscow

Нум’ Вади вадета Иона’ падвы падар” • Матфей’ падвы Маймбабцо Юн. • Марк’ падвы Маймбабцо Юн. • Лука’ падвы Маймбабцо Юн. • Иоанн’ падвы Маймбабцо Юн.

Нум’ Вади вадета Иона’ падвы падар” (ISBN 978-5-93943-300-6); Матфей’ падвы Маймбабцо Юн (ISBN 978-5-93943-250-1); Марк’ падвы Маймбабцо Юн (ISBN 978-5-93943-146-0; Лука’ падвы Маймбабцо Юн(ISBN 978-5-93943-069-4); Иоанн’ падвы Маймбабцо Юн (ISBN 978-5-93943-198-9).

Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru

back

Go to next chapter Go to previous chapter

Highlight next verse Highlight previous verse

Add another text Turn headings on or off Turn footnotes on or off Turn cross-references on or off Turn dictionary links on or off Turn verse numbers on or off Turn original language links on or off Turn red words of Christ feature on or off

Update RequiredTo play the media you will need to either update your browser to a recent version or update your Flash plugin

Remove column

← prev / next →

Иона’ Нум’ Ерв’ сякад хуноро”ма

¹ Амиттай’ хасава нюн’, Ионан’ Нум’ Ерв вадам’ мэ”мы:² «Юркад, сюдбя март’, Ниневиян’ хань”. Нум’ вато’ вадес”, Мань няни вэва серото’ юн тэвыць».³ Иона юркы”, Нум’ Ерв’ сякад Таршишан’ хунаванзь Иоппиян’ то. Таняна Таршишан’ миндя ӈарка”я ӈаном’ хо, мирта салда, тадтикахад ӈанон’ тий”. Нум’ Ерв’ сякад хуна, ненэцие” поӈгана Таршиш’ няю’ нэкалӈада.

⁴ Ӈопой, Нум’ Ерв ямд’ сата мерцям’ ӈэдара, тикахавахад сюдбя хамба” ӈадибелыд”. Ӈано тахараван’ харва.⁵ Ӈанохона манзарана” сейдо’ хая”. Хусувэдо’ харта хэхэхэнда ханорць тёры”ӈа. Ӈаномдо’ сибимдемба пэндъидо’ ямд’ моёядо’. Ионахав ӈано’ мю’ таси’ пакалъй”, юсибтэй”, ӈамгэхэртахат ехэра хонарэй”.

⁶ Ӈано’ ӈэвахана мэна някунда то, ма: «Ӈамгэ пыдар хонын?! Юркад”, харт Нумганд туёс”! Маси”, Пыда сидна” тензибтеӈгу, маня” вэ’ нива” ханд”».⁷ Мал’ няхато’ лахана пэяд”: «Ти, серебям’ мохова”! Хибяна” е”эмня маянд’ еремява”, манэкава”». Серебям’ мо”, серебя Ионан’ ха”мы”.⁸ Тиканда няби” хонрамба пядо’: «Маӈгар”, хибя’ е”эмня маянд’ еремява”? Ӈамгэ манзаям’ пэртан? Ханяд миӈан? Соя”ма яр ханяна ӈа? Тэнзар ӈамгэ?»⁹ Пыда няндо’ ма: «Мань евреядм’, ямг’ яха’ сертавэн’ – нумгы Нумд’, Нум’ Ерван’ тэядм’».

¹⁰ Нум’ Ерв’ сякад хунамбавамда хэт”махаданда, ӈанохона манзарана” нерэндо’ нимня сейто’ хэсь, нянда ма”: «Серм’ сертан!»¹¹ Сюдбя мерця тамна сахаманда нид, пыдо’ нянда ма”: «Ям’ хасерма’ е”эмня ханзер” сит мэб”на” савади’?»¹² Пыда няндо’ ма: «Си”ми ня”мада”, яв’ ит’ мода”, тикахана сидя хэвхы ям’ хасерты”. Сюдбя мерця’ нянда” тебва мань серни ӈэвахад тенев”нидам’».¹³ Ӈанохона манзарана” я’ ня’ лабита пэяд”, ӈопой, сюдбя мерця’ ханяцей’ сахама’ нид, ханзеркарт” мэсь я”мадо’.

¹⁴ Тикахана Нум’ Ерван’ хынумда пэяд”: «Нум’ Ервэй! Ябткоен’, тюку ненэця’ хава’ нид сидна” нён маядамбю”! Серцяда вэям’ хамдавана” нид нён харамбадю”!»¹⁵ Ионам’ ня”ма, ямд’ модо’, ям’ хасеръй”.¹⁶ Нум’ Ерв’ сякана тамна ханяцей’ сейдо’ хая. Нум’ Ерван’ ханм’ тэвра, Нянда ватора”.