Acts.18.1-Acts.18.17; Rom.1.7
2Cor.8.7; 2Cor.9.11
Luke.17.30; 1Thess.3.13; 1Thess.4.16-1Thess.4.18; Phil.3.20
Phil.1.6
John.17.21; 1John.1.3; 1Thess.5.24; 2Thess.3.3; Heb.10.23
1Cor.11.18
1Cor.3.3
Acts.18.24; Acts.19.1; 1Cor.3.4-1Cor.3.5; 1Cor.4.6; 1Cor.6.12; Titus.3.13; John.1.42
Eph.4.4-Eph.4.5
Acts.18.8; Rom.16.23
1Cor.16.15
2Cor.10.10
1Cor.2.1; 2Cor.2.15; Rom.1.16
Isa.29.14
Prov.21.30; Isa.44.25; Rom.1.22; 1Cor.3.19
Matt.12.38; Mark.8.11; John.2.18; John.4.48; John.6.30
Gal.5.11
1Cor.2.7; Col.2.3
Jas.2.5
Rom.3.27; Eph.2.9
Eph.1.7; Phil.3.9
Jer.9.24; 2Cor.10.17
РичӀчӀизе захӀматал рагӀабазе баян

Коринфиязухъе Павелил тӀоцебесеб кагъат

«Коринфиязухъе Павелил тӀоцебесеб кагъат» хъван буго нилъер эраялъул I гӀасруялъул 50-абилел соназул ахиралда. Кагътида Павел чапарас бицунеб буго греказул Ахая улкаялъул тахшагьарлъун кколеб Коринфалда жинцаго гӀуцӀараб иман лъуразул жамагӀаталда дандчӀвалел ругел захӀмалъабазул хӀакъалъулъ. Гьесул рахӀат хвезабулел буго иман лъуразда гьоркьоб рикьи ккеялъ ва гьел Аллагьасул амруязда рекъон хьвадулел гьечӀолъиялъ. Кагътил машгьураб бутӀалъун лъугьун буго Павелица рокьиялъе рецц гьабулеб 13 бетӀер.


магӀарул мацӀ
Institute for Bible Translation, Moscow
Байбихьи (2011), Рут, Эстер, Юнус (2017), ГӀакъилал рагӀаби (2005), Пачазабазул тӀехь(2021), Инжил (2008)


Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Go to next chapter Go to previous chapter
:
Highlight next verse Highlight previous verse
Remove column
← prev / next →

Саламалъул рагӀаби

1 ГӀиса МасихӀил тӀаса вищарав чапарлъун вукӀине Аллагьасе жив бокьарав Павелил ва диналъул вац Сосфенил рахъалдасан2 Коринфалда ругел иман лъуразул агьлуялде – ГӀиса МасихӀидалъун рацӀцӀалъаразде, жиндирго халкълъун лъугьине Аллагьас тӀаса рищаразде, цинги киса-кибего нилъерги гьезулги ТӀадегӀанав ГӀиса МасихӀие тӀагӀат-гӀибадат гьабулелщиназдеги.3 Нилъер Эмен – Аллагьасулги ТӀадегӀанав ГӀиса МасихӀилги цӀоб ва салам лъеги нужеда.

Аллагьасе рецц!

4 МасихӀ ГӀисадалъун гьес нужеде баркат рещтӀинабуралъухъ дица кидаго Аллагьасе рецц гьабула.5 Гьесдалъун Аллагьас нужер кинабго каламги бечелъизабуна, кинабго гӀакъиллъиги цӀикӀкӀинабуна,6 МасихӀил хӀакъалъулъ нижер нугӀлъиги ритӀухъ гьабуна.7 ГӀиса МасихӀ вачӀинегӀан ралагьун чӀун ругел нужелъ камураб гьунар хутӀун гьечӀо гьанже.8 Нилъер ТӀадегӀанав ГӀиса МасихӀ рещтӀараб къоялъ нуж рацӀцӀадго хутӀизе гьесин ахиралде щвезегӀан нужер ракӀкъвакӀизабилеб.9 Жиндирго Васгун – нилъер ТӀадегӀанав ГӀиса МасихӀгун – цолъизе нуж тӀаса рищарав Аллагь ритӀухъав вуго.

Иман лъуразда гьоркьоб рикьи ккун буго

10 Нилъер ТӀадегӀанав ГӀиса МасихӀил цӀар бахъун гьарула, вацал, дица нужеда, нуж киналго цоцалъ рекъа-решон рукӀайилан. Рикьи ккезе биччаге – нужер пикруги гӀакълуги цойиде буссинабе!
11 Хлоял рукъалъул агьлуялдасан дида рагӀун бугелъулха, вацал, нужеда гьоркьоб рикьи ккун бугилан.12 «Дун Павелил рахъ ккуравилан», «дун Аполлосил рахъ ккуравилан», «дун Кефал рахъ ккуравилан», «дун МасихӀил рахъ ккуравилан» – щивас батӀа-батӀаго абулеб рагӀула нужеца.13 МасихӀ викь-викьунищха вугев?! Павелищха нужее гӀоло хъанчида ван хвезавурав? Павелиде иман лъезейищха нуж лъадалъ ччун рахъарал?14 Аллагьасе рецц буго, Криспги Гайги хутӀизегӀан, нужер цогидал дица лъадалъ ччун рахъичӀелъул.15 Диде иман лъезелъун дица лъадалъ ччун рахъанилан лъицаниги абиларо.16 (Стефанасги гьесул рукъалъул агьлуги лъадалъ ччун рахъана дица, цоги щал лъадалъ ччун рахъаралали ракӀалда гьечӀо.)17 ГӀадамал лъадалъ ччун рахъизе витӀичӀо дун МасихӀица. Рохалил хабар бицине витӀана.

Аллагьасдасан бугеб «гӀантлъи» гӀадамазул гӀакъиллъиялдаса къуватаб буго

ГӀакъилал ва пасихӀал рагӀабаздалъун бицунеб гьечӀо дица гьеб Рохалил хабар, – МасихӀ хъанчида ван хвей гӀадада ккелаан гьебмехалъ.
18 Хвалде унезни чӀобогояб чӀандалъун рикӀкӀуна хъанчида ван хварасул хӀакъалъулъ хабар. Нилъее – хвасарлъулезе – гьеб буго Аллагьасул къудрат.19 ТӀухьдузда хъван бугелъул:
«ГӀакъилазул гӀакъиллъиги къинабилеб Дица,
ЦӀодоразул цӀодорлъиги яризабилеб Дица».
20 Кив вугев дов гӀакъил? Кив вугев дов гӀалим? Кив вугев гьаб гӀасруялъул дагӀбачи-къацандухъан? Гьаб дуниялалъул гӀакъиллъи гӀантаб жо букӀин загьир гьабичӀищ Аллагьас?21 Аллагьас жиндирго гӀакъиллъиялдалъун гӀаламалъе хӀукму къотӀана, дуниялалъул гӀакъиллъиялдалъун гӀаламалда Жив лъазе виччаларилан. Гьесие бокьана иман лъурал гӀадамал Рохалил хабаралъул «гӀантлъиялдалъун» хвасар гьаризе.22 ЖугьутӀаз мугӀжизат-гӀаламат тӀалаб гьабулеб буго, греказги гӀакъиллъи-гӀалимлъи балагьулеб буго.23 Нилъецайин абуни гӀаламалда лъазабулеб буго хъанчида ван хвезавурав МасихӀил хӀакъалъулъ хабар. ЖугьутӀазе гьеб буго гӀасилъи, греказеги гьеб чӀанда буго!24 Аллагьас тӀаса рищаразе – жугьутӀазеги греказеги – гьеб буго МасихӀидалъун загьирлъараб Аллагьасул къудратги Аллагьасул гӀакъиллъиги!25 Аллагьасдасан бугеб «гӀантлъиги» гӀадамазулалдаса гӀакъилабин, Аллагьасдасан бугеб «загӀиплъиги» гӀадамазулалдаса къуватабин!
26 Аллагьас нуж жиндихъего ахӀараб мехалъ нужго рукӀараб куц ракӀалде щвезабе. ГӀакъилалин рикӀкӀунел гӀадамал гӀемерищ нужеда гъорлъ рукӀарал? ГӀемерищ рукӀарал къадру-къимат бугелги къо-асс бугелги?27 ГӀакъилал инжитго къезаризейин Аллагьас гӀаламалда гӀантабилан кколеб жо тӀаса бищараб. Къуватал инжитго къезаризейин гьес гӀаламалда загӀипабилан кколеб жо тӀаса бищараб.28 Къадру гьечӀебги ярагьунаребги, ай гьезего гьечӀилан рикӀкӀунебаб тӀаса бищана Аллагьас, гьаб гӀаламалъ гӀадахъ босун бугеб жо гьезего гьечӀеблъун лъугьинабизе.29 Гьединлъидал Аллагьасда цеве веццаруге щивниги.
30 Аллагьасин нуж нилъее гӀакъиллъилъун лъугьарав МасихӀ ГӀисагун цолъизарурал. МасихӀица нилъ ритӀухълъизаруна, рацӀцӀалъизаруна, тархъанлъизаруна.31 Гьединлъидал, ТӀухьдузда хъван бугеб куцалъ: «Веццаризе бокьарас БетӀергьан вецце!»
← prev / next →
© 1999-2023 Institute for Bible Translation