Муаб – дубуртар улка сабри, БебкӀибси урхьула машрикьла шайчиб мерлабиубси, гьанна ил мер Иорданияла западла шайчибси бутӀа саби.
ЖугьутӀ мезли «Науми» ибси «тӀягӀямла» ибси саби.
ЖугьутӀ мезли «Мара» ибси «кьутӀкьуси» ибси саби.
Judg.2.16
Job.19.21
Num.21.29
2Sam.15.21; 1Sam.3.17; 1Sam.25.22; 2Sam.19.13; 1Kgs.2.23
2Sam.21.9

Гьалагъай

ХӀурматла дучӀанти!

ХӀушала гьалар – дарх дураибти Библияла хӀябал жуз сари. Библия – ил дунъяличиб бегӀлара бахъли бучӀуси ва хӀурматла жуз саби, ва илбагьандан гьарил адамлис, сай чинав хӀерирулил хӀерхӀеили, илала миллатличи ва бузахъуси динничи хӀерхӀеили, ил жуз сунела нешла мезли белчӀес имкан биэс чебиркур.
Библиялизир жавабти лугули сари лерилра замунтазиб адамти паргъатагарбирахъули калунти нуша чинарадтира, селис хӀердирутира, сен дунъяличир дахъал вайдешуни лертив, вебкӀили гӀергъи адамличи се хӀерлив ибти суалтас.
Халали ахӀенти хӀябалра илди жузлизибад цаибиллизиб Юнус идбагличила бурули саби. КӀиибил – «Рут» жузлизиб – чевяхӀси пача Даудла халабегӀтачила. ХӀябъибил «Эстер» жузлизиб биалли, секьяйдали Аллагьли Сунела халкьличила къайгьибирулил ва илди бебкӀализибад уцахъулил бурули саби.
Дарх дурайути хӀябалра жузлизибад гьарилла къантӀси бухӀнабуцра гили саби, сунезибра жузлизир сипатдарибти анцӀбукьунала хӀекьлизирти баянти гибси. Ахирлизир Библияла жузазирти анцӀбукьуни чузир кадикибти жявхӀелла дунъяла мер-мусала картабира гили сари.
Дурхъаси БелкӀ декӀар-декӀарти халкьанала мезаначи шурбалтнилизиб бузуси Институтли халаси разидешличил даргала бучӀантас Библиялизирад бутӀни чула нешла мезли гьаладирхьули сари.
2010 ибил дуслизиб Библия шурбалтуси Институтли Лукала ГӀяхӀ хабар ва 2013 ибил дуслизиб Матфейла ГӀяхӀ хабар дарган мезли дураиб. 2017 ибил дуслизир илкьяйдали дураибтири Лукала ГӀяхӀ хабарлизирад айту-гъайра. Илдала электронна жураби ва аудиобелкӀани Библия шурбалтуси Институтла сайтличир даргес вирар: www.ibt.org.ru
Библия шурбалтуси Институтли Библияла хӀябалра жузла тилмажунас, редактортас ва илди дураахъес хӀядурдирнилизир бутӀакьяндеш дарибти лебтасалра баркалла балахъули саби.
Библия шурбалтуси Институт
Баяндарибти Дугьби

Рут

Жузла бухӀнабуц

«Рут» жузлизиб чучила бурути анцӀбукьуни Израилла халкьлис судьябани бекӀдеш дируси замана кадикибтири. Судьябани жалани ирзнилизир бутӀакьяндеш дирутири ва халкь душмантачи къаршили бургъахъес дявлизи бикутири. Жузлизиб бурули саби, гашидикибси замана Израил бархьбатурли, унраличибси Муабла улкализи арбякьунси хъалибаргличила.
Илаб илдала кӀелра урши Муаблизибадти хьунул адамтачи хъайчикабирули саби. Амма белгиси замана арбякьунхӀели, хъалибаргла дудеш ва кӀелра дурхӀя бубкӀули саби, илдала хьунри гамъабирули саби. Уршбазивад цала гамъани, муаблан Рутли, сунела хъубеш неш Наумиличил рарх Израиллизи рукьес багьандан, сунела ватӀан балтули сари. Илар ил сунела гъай бузуси тухумлизивадси Буазлис шери аркьули сари, гӀурла чевяхӀси пача Даудла халанешла нешли ретарули сари.
Иш жузла мягӀна аргъес багьандан жугьутӀунала цацадехӀ гӀядатуни дагьес гӀягӀнибиркур. Эгер адам вебкӀалри, илала узи вебкӀибсила гамъачи хъайчикайэс гӀягӀнисири. ГӀур биалли, илдала дурхӀни акӀалри, вебкӀибси адамла лебдеш илдас букьурли биусири. Ил тяхӀярли хъалибаргуни детихъни убисулри. ЦархӀил гӀядат хӀясибли биалли, Муаблизибадти адамтас Израилла адамтачил бархбиркес асубируси ахӀенри. Муабланти душмантази халбирутири, сенкӀун израилланти Мисрилизибад дурабухъунхӀели, илдачил гӀяхӀти бархбасуни дузахъути ахӀенри.
Иш жуз мардешличила ва дигайличила саби. Илис бикьридеш дирули сари сунела хъубеш нешличил рарх Бетлегьемлизи аркьуси Рутла баркьудили. Илаб Наумила вебкӀибси мура тухум Буазли Наумила ванза исули сай ва, Рутличи хъайчикайили, илдала жинс даимбирули сай.
Ил баркьудила гӀяхӀдешли хъалибарглизиб кабизурси вайси аги гӀяхӀси челябкьлаличи умутуна бицӀибси разидешличи шурбулхъули саби.


дарган мез
Institute for Bible Translation, Moscow
Инжил: Матфейла ГӀяхI хабар; Лукала гӀяхӀ хабар; Рут, Эстер, Юнус
Инжил: Матфейла ГӀяхӀ хабар; Лукала гӀяхӀ хабар; Рут, Эстер, Юнус

Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Remove column
← prev / next →

Элимелек ва илала хъалибарг Муаб улкализи гечбиъни

1 Ил бетаурсири судьябани бекӀдеш дируси замана. Израиллизир гашидикибхӀели, Иудеялизибси Бетлегьемлизивад ца адам сунела хьунуйчил ва кӀел дурхӀяличил Муаб улкализи гечиуб.2 Ил адамлис Элимелек, хьунуйс – Науми, уршбас биалли Махлун ва Хилиун бикӀутири. Илди Иудеялизибси Бетлегьемлизибадси Эпратала кьамлизибадти сабри. Илди Муаблизи бакӀиб, ва илаб хӀербирулри.3 Наумила мурул Элимелек вебкӀиб, ва ил кӀел дурхӀяличил калун.4 ДурхӀни муаблантачи хъайчикабииб – илдазирад цалис Урпа, итиллис биалли Рут бикӀутири. Илди илаб вецӀал дусцадхӀи хӀербиуб.5 ГӀур Махлунра Хилиунра бебкӀиб, ва Науми сунела уршбира мурулра агарли калун.

Науми Бетлегьемлизи чаррулхъули сари

6 Аллагьли Сунела халкьличила къайгъибариб ва илдас кьацӀ бедиб или, Муаблизиб бакьили, Науми сунела уршбала хьунрачил хъули чаррухъес хӀядурриуб.7 Сари хӀеррирули калунси мерра бархьбатурли, сунела уршбала хьунрачил рарх ил Иудеяла ванзаличи гӀеларяхӀ гьуйчи дурарухъун.
8 Науми сунела уршбала хьунрази рикӀули сари:
– ХӀушазирад гьарил хӀушала нешала хъули чардухъеная. Секьяйдали хӀуша хӀушала бебкӀибтачира набчира ряхӀмучертили дирадарил, хӀушачи Аллагьра илкьяйда ряхӀмучевсили виаб.9 Аллагьли хӀушазирад гьариллизи сагаси мура хъулиб хӀердируси мер баргахъаб.
Илини илди уммайбариб, илхӀели кӀелра ахъли бисескабииб10 ва илизи бикӀар:
– Нуша хӀечил хӀела халкьличи чардулхъехӀе.
11 Амма Наумини иб:
– Хъули чардухъеная, дила рурсби. Селис ляркьутирая хӀуша набчил дарх? ЦархӀилти уршби бирару гьатӀи дила хӀушаб муйли бетаэсти?12 Хъули чардухъеная, дила рурсби, дила цархӀил мурул виахъес ну рахъ дебали рухънараилра. ХӀятта ну дила гӀурра умут лебал или пикририкӀули риасра, – ишдуги ну муруйчил риубси риаслира, ва гӀур дурхӀни баркьаслира?13 Асубирару гьатӀи хӀушаб илди халабаайчи хӀерли кадиэс? Асубирару гьатӀи хӀуша лебилра ил замана муйли агарли калес? Юх, дила рурсби. Дила кьутӀкьудеш хӀушаб бахъ дебали декӀси саби, сенкӀун Раббила някъ набчи къаршили кабизурли саби!
14 Ва илхӀелира илди ахъли бисескабииб. ДекӀаррикес гьалар Урпани сунела хъубеш неш уммайрариб, амма Рут иличил рарх калун.
15 – ХӀерризи, – рикӀар Науми, – хӀела узуб сунела халкьличи ва сунела аллагьуначи чаррулхъули сари. Иличил рарх хӀура чаррухъен.
16 Амма Рутли жаваб бедиб:
– Набзи хӀу рархьратахъес яра хӀезирад гӀелумризахъес махмарикӀуд. ХӀу чина аркьядлира, нура ила ляркьяс, хӀу чинар хьурариадлира, нура илар тӀашрилзас. ХӀела халкь дила халкьли бирар ва хӀела Аллагь – дила Аллагьли.17 ХӀу чинар ребкӀадлира, нура илар рубкӀус ва хӀяририхьили рирус. Эгер бебкӀали ахӀенси ну хӀезирад декӀаррикахъасли, Рабби акаб набчи.
18 Рутли сунечил рукьес чӀумали кьасбарили риъни аргъибхӀели, Науми илизи маххӀерикӀанриуб.
19 Ва кӀелра хьунул адам Бетлегьемлизи бетаайчи барх башули калун. Бетлегьемлизи бакӀибхӀели, илди багьандан лебилра шагьар важбиуб, илабти хьунул адамти бикӀулри:
– Марлира, ил Науми сарив?
20 – Наб Науми мадикӀудая, – рикӀар илдази ил. – Наб Мара дикӀеная, сенкӀун Кьудратла ВегӀли дила гӀямру дебали кьутӀкьутили детаахъур.21 Ну ишарад гьар секӀал лерли дурарухъунсири, амма Раббили гӀеларяхӀ селра агарли чаррухъахъунра. Селис бикӀути наб Науми или? Раббили цӀумрикӀахъира. Кьудратла вегӀли набчи балагь-кьадар дяхӀчиаиб.
22 Илкьяйда Науми муаблан Рутличил, сунела уршила хьунуйчил, Муаблизирад чаррухъун. Илди Бетлегьемлизи сабаибтири, мухъила сабухъ бурчес бехӀбихьибхӀели.
← prev / next →
© 1999-2023 Institute for Bible Translation