РАППИ – пы телмәцләүтә ике йасылыш пар: РАППИ әм Раппи. Йасылыш «РАППИ» йәбрәй исемне «Яхве» (парлыҡ, йәшәу пирәтеген) әйтеп йебәрәте. Йасыу «Раппи» йәбрәй терминның «Адонай» (ҡотай, пашлыҡ, ҡуца) телмәцләуне пирәте.
2Kgs.14.25
Nah.1.1; Zeph.2.13
1Kgs.10.22; Isa.23.1; Josh.19.46
Ps.106.25
Acts.27.18
Joel.2.13-Joel.2.14; Amos.7.3; Amos.7.6; Jonah.3.9
1Sam.14.41-1Sam.14.42
Ps.94.5; Ps.145.6
Deut.21.8
Ps.64.8
Isa.19.21

Йунус пәйғәмпәрнең китабы

Ҡөрмәтле уғыуцылар!

Сес ҡулығыста Йунус пәйғәмпәр турынта китап ошлайсығыс.
Йунус – ул пересе, Алла кемнән аша кешеләргә Үсенең мәйелен пелтергән, аларны ҡона ҡылыуларын ҡалтырғалы әм таса тормош йәшәгәле өнтәгән. Йунус сигесенце ҡасырта йаңа эра алтынта Израил тәүләттә йәшәгән. Ул саманнарта израиллеләрнең күршеләре Ашшур империя пулған. Аның пелән Израил осаҡ суғыш алып парған. Алла Йунусҡа пойороҡ пиргән, Ашшур империяның паш торасына, Ниневегә парып, аның кешеләрен өнтәгәле – йаман пелән тулған тормошларын ҡалтырғалы. Пелеп тороп, ницек ашшурлылар үткән уаҡытта кән йаманныҡ израиллеләрғә ҡылғанарын, Йунус Алланың пойороғона күнкесе килмәте, Аның пойороғонан тайып киткесе тә килте. Пы аның килеп цыҡтыма, йуҡма, сес пы ҡикәйәне оцона уғып йетсәгес, пелерсес.
Пы ҡикәйә Иске Йасматан алыңҡан, ул төрлө төнйа телләрентә пар, ә ҡәсер себертатар телгә телмәцләү итеп пашланаты. Пы пасма – себертатар телтә Иске Йасманың телмәцләү институтыныңҡы перенце пастырыуы. Пы китапта себертатар телмәцләү пергә урыс телтә телмәцләү пелән пиреләте, ул Иске Йасманың Көнцығыш телмәцләүтән алынҡан. Әрбер телмәцләү – ул конструкциялар эстәү ижатий процесс, алар тейеш төрөс күцергәле шал нәрсәне, нимә әллә ҡацан әйтелгән йәбрәй телентә. Сур түгел айырмалар пулсата, аңа ҡарамастан, пөтөн мәғнәсе алмашылмайты.
Иске Йасманың телмәцләү институты үсенең рәҡмәтләрен пелтерәте – Йунус турынта китапның телмәцләргә, редакторларға, әм пөтөн кешеләргә, кем пы пасманы эсерләгән.


себер татарца
Institute for Bible Translation, Moscow
Рут турынта китап • Эстер турынта китап Йунус пәйғәмпәрнең китабы
Рут турынта китап (ISBN 978-5-93943-307-5) • Эстер турынта китап Йунус пәйғәмпәрнең китабы (ISBN 978-5-93943-271-9)

Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Remove column
← prev / next →

Йунус Раппитән ҡацаты

1 Пер уаҡыт РАППИ Әмиттәй улы Йунусҡа пылай тип әйтте:
2 – Миңә ҡәбәр йетте: Ниневетә ҡалыҡ йаманлыҡҡа патҡан. Ул оло тораға парып, аның турынта әйт аларға.
3 Ә Йунус РАППИтән Тәршишкә тигән йергә ҡацҡалы пулты. Йаппа тораға китте, Тәршишкә парыуцы пер оло кәйек тапты. Йул пәйәсен түләп, кимәгә утырып, РАППИтән ҡацып Тәршишкә китте.
4 РАППИ тиңгестә көцлө йел цығарты, антайын көцлө аҡпаш тулғын күтәрелте, кәйек йемерелә йасты.
5 Тиңгесцеләрнең ҡотлары йарылып, әрберсе үсенең ҡотайына тоға ҡылты, кимәне йеңеләйтеү өцөн, тиңгескә йөкнө ташлап йебәртеләр. Ә Йунус кимәнең эценә кереп йатты та тың йоҡлап китте.
6 Кимә пашлығы Йунус йанына төштө:
– Ник йоҡлап йатасың? Тор! Ҡотайыңа тоға ҡыл! Әллә, Ҡотай песне ҡотҡарыр та, әләк пулмарыбыс, – тите.
7 Тиңгесцеләр пер перенә:
– Әйтәгес, ширәбә салып пеләйек: пы пәләгә кем өцөн әләктек? – тителәр.
Ширәбәне салтылар, ә ул Йунусҡа күргәсте.
8 Анан суң Йунустан суратылар:
– Әйт пескә, пы пәләне кем төшөртө? Нинтәйен эш пелән йөрөйсөң? Ҡайтан киләсең? Ҡайсы илтән син пуласың? Ҡайсы ҡалыҡтан пуласың?
9 – Мин йәбрәйләртән, – тите Йунус. – Тиңгесне тә, йерне тә йарған күктәге РАППИ-Аллаға эшәнәм.
10 Йунус тиңгесцеләргә РАППИтән ҡацыун әйтте. Тиңгесцеләр тың ҡурҡтылар та Йунустан суратылар:
– Нимә антайын син эш ҡылтың?
11 Тиңгес тагын та тыңыраҡ ҡоторто. Тиңгесцеләр Йунустан суратылар:
– Тиңгес тыныцлансын өцөн, синең пелән нимә ҡылайыҡ?
12 Йунус:
– Алың та, тиңгескә атың мине, – тите. – Анан суң тиңгес тыныцланыр. Мин пеләм: пы тауыл сескә минең өцөн цыҡты.
13 Әммә тиңгесцеләр ҡоро йергә йетеү өцөн, ишкәкләре пелән тыңыраҡ ишенкәле пашлатылар. Алайта пайтасы пулматы – тиңгес тыңыраҡ ҡотороп китте.
14 РАППИгә өнтөштөләр:
– Йә РАППИ, пы кеше өцөн әләк пулмайыҡ. Песне ҡәйепсес кешенең үлеме өцөн йаса ҡылма. Син, РАППИ, инте теләгеңне эшләтең!
15 Алай тип, алар Йунусны тиңгескә аттылар – ҡоторған тиңгес тыныцланты.16 Анан суң тиңгесцеләр, РАППИтән ҡурғып, Аңа ҡорман суйтылар, сүс пиртеләр.
← prev / next →
© 1999-2023 Institute for Bible Translation