Қаан-Қудай – Господь (о Боге).
Тура – город.
Чарлап – проповедовать, провозглашать.
Талай – море.
Еврей – евреями называли израильтян иноплеменники, поэтому здесь Иона как бы смотрит на себя самого глазами язычников-моряков.
Тайығ кӧдӱрерге – приносить жертву.
2Kgs.14.25
Nah.1.1; Zeph.2.13
1Kgs.10.22; Isa.23.1; Josh.19.46
Ps.106.25
Acts.27.18
Joel.2.13-Joel.2.14; Amos.7.3; Amos.7.6; Jonah.3.9
1Sam.14.41-1Sam.14.42
Ps.94.5; Ps.145.6
Deut.21.8
Ps.64.8
Isa.19.21
Чарытчаң Сӧстӱк (Марк Пасқан Ақ Тилаас)
Шорско-русский Словарь (Марк Пасқан Ақ Тилаас)
Тадар-қазақ Сӧстӱги (Ыйбан Пасқан Ақ Тилаас)

Иона теп пророктың номы

Тадар (шор) тилге кежирген, қазақ тилге

Синодальный теп кежиргенинме қожа шығарған

Иона теп пророктың номы

Библияны кежирчен институды

Москва, 2022

Тадар (шор) тилге кежирген, қазақ тилге

Синодальный теп кежиргенинме қожа шығарған

ИОНА ТЕП ПРОРОКТЫҢ НОМЫ

Тадар (шор) тилге кежиреечи қаастачы Любовь Арбачакова
Библиядаң шығара шынықтаған Брон Кливер
Тадар (шор) тилдең шығара шынықтаған Геннадий Косточаков
Виталий Войнов консультант полған
ISBN 978-5-93943-311-2
© Институт перевода Библии, 2022

Қайран қыырчыған кижи!

По тадар тилге кежирген Иона теп пророктың номы сеең қолыңда. Ол Эски Чӧп1 теп пичигинге кирча. Эски Чӧп пичиги Наа Чӧп2 пичигинме пирге Библияға (Қудай Пичигинге) кирчалар. Парчын кижилер чаштың чашқа ол Қудай Пичигин маттап кӧп қыырчалар. По Қудай Пичиги – эңне улуғ Пичик. Анда ада чашқа парчын кижилерди кӧӧленчыған Аба Қудайдың ужун айдылча.
Иона теп пророктың3 ужун пазылған чооқ пистиң эраның алында, VIII векте полған полтыр. Ол темде Ниневия – Ассирияның улуғ туразы4 полуп, ол Израиль қааннардың5 ӧштӱгчизи полтыр. По Ниневия кижилери қыйалларын шығарып, таштазын анаң Қудайға айланзыннар теп, маттап Қудай санаған полтыр. Аны иштерге теп, Қаан-Қудай6 Ионаны қыырып, ол тураға чарлап чӧрерге ызыбысқан полтыр.
Иона Қаан-Қудайба Ол перген аар иштиң тес-парып, чажын-парарға эттир. Соонда Ионаба қанче-қанче қайғаллығ небе пол-парғанда, ол сағыжынға киринип, Қудайдың алында чобаш пол-партыр.
Қудайдың чӱреги ачыныштығ полчығанын Иона уңнаптыр. Анаң қыйаллығ кижилерди Ол ӧдӱрерге санабанча. Қыйалларын шығарып таштаған кижилерди, Қудай ыларды полған қыйалларынаң пожадыбзаар теп, Иона уңнаптыр-оқ. Қудай Позының уқпас пророкты қыйалларынаң пожадыбысты. Қачан тезе Ол ӧске қудайларға пӱтчиған Ниневия кижилери ээдоқ қыйалларынаң пожадыбысқанда, Иона тарыныбысқан. Шын эбес полған Ионаны кӧрӱп, Қудай аға қанықты. Қудайдың эңне улуғ кереги – парчын қалықтарды ачынып, кӧӧленерге. Кижилердең тезе Ол пӱдӱшпе чобаш чӱректи қадарча.
Қыырчыған кижилерге полужарға теп, по номны пис тадар тилбе ааңма қоже қазақ тилинме шығарчабыс. По қазақ тиллиғ номны – қалық аразында шаптығ Синодальный теп кежиргенинең алғабыс. По номда қазақ тилдең тадар тилге кежирген сӧстери парчын черде пир тӧӧй эбестер. Парчын тиллер пашқачылардың ужун, кежиргени ээдоқ пашқа полча.
Анаң пашқа по номны Любовь Арбачакова – тадар қалықтың қаастачы қаастаған небелери чазапча.
По поғда эбес номны қыырған кижи, Библияны ээдоқ қыырарға санабызаар теп, пис иженчабыс.
Библияны кежирчең институды по Иона теп пророктың номын тадар тилге шығарарға полушқан кижилерге: ол тадар кежирчиге, шынықтачыларға, анаң қаастачыларға паза полушқан кижилерге улуғ алғыжын ысча.


1Эски Чӧп – Ветхий Завет.
2Наа Чӧп – Новый Завет.
3Пророк – человек, призванный Богом, чтобы возвещать Его волю и передавать Божье откровение людям.
4Тура – город.
5Қаан – царь, правитель.
6Қаан-Қудай – Господь (о Боге).
Тадар тили
Institute for Bible Translation, Moscow
Тадар тили: Иона теп пророктың номы (ISBN 978-5-93943-311-2), Марк Пасқан Ақ Тилаас (ISBN 978-5-93943-060-0), Ыйбан Пасқан Ақ Тилаас (ISBN 978-5-93943-174-3)
Иона теп пророктың номы, Марк Пасқан Ақ Тилаас, Ыйбан Пасқан Ақ Тилаас

Creative Commons: BY-ND 4.0: © Институт перевода Библии; Информацию о лицензии этого издания можно найти здесь: https://wiki.creativecommons.org/images/d/d4/Attribution_3.0_%D0%A1%D0%A1_BY-ND_rus.pdf

Институт перевода Библии
Институт перевода Библии, 101000 Москва, Главпочтамт, а/я 360
ibt_inform@ibt.org.ru
back
close
Remove column
← prev / next →

Қаан-Қудайдаң чӱгӱрчиған Иона

1 Анаң Амафиянаң Иона теп оғлунға Қаан-Қудайдың сӧзи миндиғ полған:2 «Туруп, Ниневия теп улуғ тураға парып, анда Қудай сӧзин чарлап чӧрб-одур, ол тураның чабал эткен небелери Маға четти теп».
3 Қаан-Қудайдаң Таршыш теп тураға чӱгӱрерге теп, Иона туруп, Яффаға келди. Анда Таршышқа парчыған кебени таб-алып, Қаан-Қудайдаң ол тураға тес-парарға теп кебеге кирип, ақчазын тӧлеп-салды.
4 Қаан-Қудай ол талайға қазыр салғын ызып, ол талайда улуғ қуйун қуйбырып, кебеге адыл-парарға этти.
5 Кебеге кижилери қоруғып, парчазы пойыңның қудайынға чалғанып, кебеге аар полуп шӧк-парбазын теп, анда полған небелерди талайға таштабысқаннар. Иона тезе ол кебеге иштинде чадып, маттап терең уйғуға кирибисти.6 Соонда кебениң паштығы аға келип, усқаттыр: «Чӧӧк сен мында узупчаң? Туруп, Қудайыңға пашқой, ажа, пис Қудайыңның сағыжынға кирип, ӧлбен қаларыбыс».
7 Анаң ылар ӧзере айдыштылар: «Кемнең ужун шаайға кирчытқанын уңнаб-аларға» теп, ылар шребий таштабызаарға санабыстылар. Анаң ол шребийди таштап, шребий Ионаға тӱштир.
8 Анаң ылар аға айттылар: «Пистиң по шаай сеннең ужун писке пол-парды ба? Айт-перзең: ноо иштепчааң, қайаға парчаң? Қайда туған чериң, ноо қалықтаң шыққанын?»9 Ол ыларға айттыр: «Мен Қаан-Қудайға пашқойлапчыған еврейим. Ол ӧре тегриде турчыған по чер-талайды чайаған Қудай».
10 Тың қоруғып, кижилер аға айттылар: «Нӧӧрӱк ээде иштебистиң?» Қаан-Қудайдаң тесчығанын ылар ааң сӧзинең уңнаб-алдылар.11 Анаң ылар аға айттылар: «По талай тоқтап-парзын теп, писке ноо сееңме иштебизерге керек-не?» Ол талай тезе тоқтабан толғалыптыр-но.12 Ээде полғанда, ол ыларға айтты: «Слерге талай тоқтап-парзын теп, мени тудып, по талайға таштабызаарға керек-но. По улуғ қуйун слерге менең ужун четти теп, уңнапчам».
13 Кижилер тезе қуруғ черге чедерге теп, маттап киченип, кебени эштилер. Ыларға черге чедерге тезе қазыр талай қуйбырып, пербентир.14 Андығ полғанда, ылар Қаан-Қудайдың сураптырлар: «Пис Саға чалған-келип, Қаан-Қудай, суранчабыс, по кижидең аара пис ӧлбен қалааң, анаң аара по кижи ӧл-парза, писке қыйал полбазын. Сен, Қаан-Қудай, ноо санаған небени, Сен ээде иштебистиң!»
15 Анаң ылар Ионаны қаб-алып, талайға таштабысқаннарда, қуйбурған қазыр талай тоқтабысты.16 Ааң соонда по кижилер Қаан-Қудайды маттап қоруғып, Аға тайығ кӧдӱрип пер-саларға, сӧс пердилер.
← prev / next →
© 1999-2023 Institute for Bible Translation