Deut.4.19; Ps.32.6
Exod.20.8-Exod.20.11; Exod.31.17; Deut.5.12-Deut.5.14; Heb.4.4
Gen.1.1
Gen.1.11-Gen.1.12; Gen.3.23
Gen.3.19; Gen.3.23; Gen.18.27; Ps.102.14; Eccl.12.7; 1Cor.15.47; Gen.7.22; Job.33.4; Isa.2.22; Job.27.3; 1Cor.15.45
Gen.2.15; Gen.13.10; Isa.51.3; Ezek.28.13; Ezek.31.8; Joel.2.3
Gen.3.22; Rev.2.7; Rev.22.2; Rev.22.14; Gen.2.17
Gen.10.7; Gen.10.29; Gen.25.18; 1Sam.15.7
Dan.10.4
Gen.2.8
Gen.3.1-Gen.3.3; Gen.3.11; Gen.3.17; Rom.6.23; Jas.1.15
1Cor.11.9; 1Tim.2.13
Gen.1.20; Gen.1.24; Ps.8.7
Gen.15.12; 1Sam.26.12
Gen.29.14; Judg.9.2; 2Sam.5.1; 2Sam.19.13; Eph.5.28-Eph.5.30; 1Cor.11.8
Matt.19.5; Mark.10.7; 1Cor.6.16; Eph.5.31; Ps.44.11; 1Cor.7.10-1Cor.7.11
قىرع–ۉن
قىرعىز تىلىندەگى بئبلىيا. قايرا ىشتەلىپ، ەكىنچى باسىلىشى 2004. ەلەكتروندۇك ۋەرسىيا 2.0


Copyrighted: 2004© بوورۇكەرلىكتىن ۅكۉلدۉگۉ «ۉمۉت نۇرۇ».

назад
закрыть
:
1 اسمان مەنەن جەر جانا الاردىن باردىق قوشۇۇندارى ۇشۇندايچا جاراتىلىپ بۉتكۅن.
2 وشەنتىپ، جەتىنچى كۉنگۅ ووعوندو، قۇداي ۅزۉنۉن ىشتەرىن بۉتۉردۉ؛ ۅزۉنۉن باردىق ىشتەرىن بۉتۉرۉپ، جەتىنچى كۉنۉ ەس الدى.
3 انان قۇداي جەتىنچى كۉنگۅ باتاسىن بەرىپ، انى ىيىقتادى، انتكەنى قۇداي ۅزۉ جاراتقان جانا جاساعان باردىق ىشتەرىن بۉتۉرۉپ، وشول كۉنۉ ەس الدى.

ەيدەن باعىندا

4 اسمان مەنەن جەردىن جاراتىلۇۇسۇ مىنداي بولعون: قۇداي-تەڭىر اسمان مەنەن جەردى جاراتىپ جاتقاندا،
5 جەردە ەچ قانداي بادال جوق ەلە، ەچ قانداي چۅپ ۅسۅ ەلەك بولچۇ، انتكەنى قۇداي-تەڭىر جەر بەتىنە جامعىر جاادىرعان ەمەس، جەردى ىشتەتە تۇرعان ادام دا جوق ەلە.
6 بئروق جەردەن بۇۇ كۅتۅرۉلۉپ، بۉت جەر بەتىن سۇعارىپ تۇرعان.
7 انان قۇداي-تەڭىر توپۇراقتان ادام جاراتىپ، انىن جۉزۉنۅ ۅمۉر دەمىن ۉيلۅدۉ، وشوندو ال تىرۉۉ جان بولۇپ قالدى.
8 قۇداي-تەڭىر چىعىشتاعى ەيدەنگە باق وتۇرعۇزۇپ، ال جەرگە ۅزۉ جاراتقان ادامدى جايعاشتىردى.
9 اندان كىيىن قۇداي-تەڭىر توپۇراقتان كۅرۉنۉشۉ جاقشى، جەگەنگە جاراقتۇۇ ار قانداي مۅمۅلۉۉ داراقتاردى ۅستۉرۉپ چىعاردى.باقتىن ورتوسۇنا ۅمۉر داراعىن جانا جاقشىلىق مەنەن جاماندىقتى تاانىتىپ بىلدىرە تۇرعان داراق ۅستۉرۉپ چىعاردى.
10 ەيدەندەن باقتى سۇعارا تۇرعان دارىيا اعىپ چىقتى.ال وشول جەردەن تۅرت دارىياعا بۅلۉندۉ.
11 بئرىنىن اتى – پئشون، ال التىن چىققان بۉت حابئلا جەرگەسىن ايلانىپ اعات.
12 ال جەردىن التىنى دا جاقشى. ال جەردە جىپار جىتتۇۇ چايىر جانا اعات تاشى بار.
13 ەكىنچى دارىيانىن اتى – گىحون، ال بۉتكۉل كۇش جەرگەسىن ايلانىپ اعات.
14 ۉچۉنچۉ دارىيانىن اتى – حىدەكەل (تىگىر)، ال اشۇردۇن الدىنان اعىپ ۅتۅت.تۅرتۉنچۉ دارىيا – ەفرات.
15 ەيدەن باعىن ىشتەتسىن جانا ساقتاسىن دەپ، قۇداي-تەڭىر ادامدى وشول باققا جايعاشتىردى.
16 انان قۇداي-تەڭىر ادامعا مىنداي دەپ وسۇيات قىلدى: «باقتاعى ار قانداي داراقتىن جەمىشىنەن جەسەڭ بولوت،
17 بئروق جاقشىلىق مەنەن جاماندىقتى تاانىتىپ بىلدىرە تۇرعان داراقتىن جەمىشىنەن جەبە، انتكەنى اندان داام تاتقان كۉنۉ ۅلۉپ قالاسىڭ».
18 انان قۇداي-تەڭىر مىنداي دەدى: «ادامعا جالعىز بولۇۇ جاقشى ەمەس، اعا ىلايىق جاردامچىنى جاراتالى».
19 قۇداي-تەڭىر توپۇراقتان تالاا جانىبارلارىن، اسمان قاناتتۇۇلارىن جاراتىپ، الاردى قانداي اتاي تۇرعاندىعىن كۅرۉۉ ۉچۉن، ادامعا الىپ كەلدى. ار قانداي تىرۉۉ جانعا ال قانداي ات قويسو، انىن اتى وشوندوي بولدۇ.
20 ادام باردىق مالدارعا: اسمان قاناتتۇۇلارىنا، تالاا جانىبارلارىنا ات قويدۇ، بئروق اعا ىلايىق جاردامچى تابىلبادى.
21 وشوندو قۇداي-تەڭىر ادامدى قاتۇۇ ۇقتاتىپ سالدى.ال ۇقتاپ جاتقاندا، انىن بئر قابىرعاسىن الىپ، وردۇن ەت مەنەن جااپ قويدۇ.
22 وشەنتىپ، قۇداي-تەڭىر ادامدان الىنعان قابىرعادان ايال جاراتىپ، انى ادامعا الىپ كەلدى.
23 وشوندو ادام مىنداي دەدى: «بۇل – مەنىن سۅۅگۉمدۅن چىققان سۅۅك، ەتىمدەن چىققان ەت. ال ”ايال“ دەپ اتالات، انتكەنى ەركەكتەن الىندى».
24 وشوندۇقتان ادام اتا-ەنەسىن تاشتاپ، ايالى مەنەن بىرىگەت.وشەنتىپ، ەكۅۅ بئر دەنە بولوت.
25 ادام مەنەن ايالى ەكۅۅ تەڭ جىلاڭاچ ەلە، بئروق ۇيالىشچۇ ەمەس.